വിമന്‍ ഇന്‍ സിനിമാ കളക്ടീവില്‍ ഉള്‍പ്പെടുത്തിയില്ല; ഭാഗ്യലക്ഷ്മിയും മാലാ പാര്‍വ്വതിയും രംഗത്ത്‌

വാര്‍ത്തകള്‍ തത്സമയം ലഭിക്കാന്‍

വിമന്‍ ഇന്‍ സിനിമാ കളക്ടീവില്‍ ഉള്‍പ്പെടുത്തിയില്ല; ഭാഗ്യലക്ഷ്മിയും മാലാ പാര്‍വ്വതിയും രംഗത്ത്‌

തിരുവനന്തപുരം: മലയാള ചലചിത്രരംഗത്തെ വനിതാപ്രവര്‍ത്തകകരുടെ സംഘടനയായ വിമന്‍ ഇന്‍ സിനിമാ കളക്ടീവ് എന്ന സംഘടനാ പ്രവര്‍ത്തനത്തെ സംബന്ധിച്ച്  ഡബ്ബിംഗ് ആര്‍ട്ടിസ്റ്റ് ഭാഗ്യലക്ഷമിയും  നടിയും ആക്ടിവിസ്റ്റുമായ മാലാ പാര്‍വ്വതിയും രംഗത്ത്. മുഖ്യമന്ത്രിയെ കാണാന്‍ പോയവരുടെ സംഘത്തില്‍ തന്നെ ഉള്‍പ്പെടുത്താത്തതിലാണ് ഭാഗ്യലക്ഷ്മിക്ക് പ്രതിഷേധം. സംഘടനയുടെ രൂപീകരണം സംബന്ധിച്ച ചര്‍ച്ചകളില്‍ താനുണ്ടായിരുന്നെങ്കിലും യോഗം ചേരുന്നത് സംബന്ധിച്ചോ മുഖ്യമന്ത്രിയെ കാണുന്നതിനെക്കുറിച്ചോ തന്നെ അറിയിച്ചിരുന്നില്ല. 

തന്നെ ഒഴിവാക്കിയതിന് പിന്നില്‍ രാഷ്ട്രീയ കാരണമുണ്ടാകാമെന്നാണ് പാര്‍വതിയുടെ സംശയം. തന്നെയടക്കമുള്ളവരെ സഹകരിപ്പിച്ചാല്‍ മുഖ്യമന്ത്രിയില്‍ നിന്നും നല്ല പ്രതികരണം ലഭിക്കില്ലെന്ന് കരുതിയാവാം ഒഴിവാക്കിയതെന്നും പാര്‍വതി പറയുന്നു. എല്ലാത്തിലും കേറി അഭിപ്രായം പറയുന്നവരൊന്നുമല്ലാതെ കുടുംബത്തില്‍ പിറന്ന കുറച്ച് പേര്‍ മതിയെന്ന് അവര്‍ വിചാരിച്ചിരിക്കും. പ്രശസ്തരായവര്‍ മാത്രമാണ് ഇപ്പോള്‍ മുഖ്യമന്ത്രിയെ കണ്ടിരിക്കുന്നത്. സംഘടനുമായി സഹകരിക്കുന്ന കാര്യത്തിലൊന്നും ഇപ്പോള്‍ അഭിപ്രായം പറയാനാവില്ലെന്നും പാര്‍വ്വതി പറഞ്ഞു. 

സംഘടനയുമായി സഹകരിക്കണോ എന്ന കാര്യത്തെ സംബന്ധിച്ച് ഭാഗ്യലക്ഷമി അഭിപ്രായം രേഖപ്പെടുത്തിയിട്ടില്ല. ഇങ്ങനെയൊരു സംഘടന ഉണ്ടായതില്‍ സന്തോഷമുണ്ടെന്ന് അവര്‍ ചൂണ്ടിക്കാട്ടി.
 


LATEST NEWS