സോന്‍ പാപ്ഡി

വാര്‍ത്തകള്‍ തത്സമയം ലഭിക്കാന്‍

സോന്‍ പാപ്ഡി

ചേരുവകള്‍

1.കടലമാവ്-ഒന്നര കപ്പ് 
2.മൈദ-ഒന്നര കപ്പ് 
3.പാല്‍-2 ടേബിള്‍ സ്പൂണ്‍ 
4.പഞ്ചസാര-രണ്ടര കപ്പ് 
5.ഏലയ്ക്കാപ്പൊടി-1 ടീസ്പൂണ്‍ 
6.നെയ്യ്-250 ഗ്രാം 
7.വെള്ളം-ഒന്നര കപ്പ് 
8.പോളിത്തീന്‍ ഷീറ്റ്

തയ്യാറാക്കുന്ന വിധം

ഒരു പാത്രത്തില്‍ മൈദയും കടലമാവും കൂട്ടിക്കലര്‍ത്തുക. ഒരു പാനില്‍ നെയ്യു ചൂടാക്കി ഇതിലേക്ക് കലര്‍ത്തിയ മാവു ചേര്‍ത്ത് ബ്രൗണ്‍ നിറമാകുന്നതു വരെ ഇളക്കുക. ഇത് ഒരു പാത്രത്തില്‍ പരത്തി വയ്ക്കുക. ചുവടു കട്ടിയുള്ള പാത്രത്തില്‍ വെള്ളം ചൂടാക്കുക. ഇതിലേയ്ക്കു പഞ്ചസാര, പാല്‍ എന്നിവ ചേര്‍ത്തിളക്കി അല്‍പം കട്ടിയില്‍ മിശ്രിതമാക്കുക. ശേഷം ചൂടാറാന്‍ വയ്ക്കുക. ഒരു പരന്ന പാത്രത്തില്‍ നെയ്യു പുരട്ടി വയ്ക്കുക. മാവും പഞ്ചസാര-പാല്‍ മിശ്രിതവും തണുത്താറിക്കഴിയുമ്പോള്‍ മാവ് പഞ്ചസാര മിശ്രിതത്തില്‍ കുറേശെ വീതമിട്ട് ഇളക്കുക. ഇത് നൂല്‍ പരുവത്തിലാകുമ്പോള്‍് നെയ്യു പുരട്ടിയ പാത്രത്തിലേയ്ക്ക ഒരിഞ്ചു കട്ടിയില്‍ ഒഴിക്കുക. ഇതിനു മീതെ ഏലയ്ക്കാപ്പൊടി വിതറാം. സോന്‍ പാപ്ഡി ചെറിയ ചതുരക്കട്ടകളായി മുറിച്ച് മുകളില്‍ പോളിത്തീന്‍ കവര്‍ ഇടാം.