വാര്‍ത്തകള്‍ തത്സമയം ലഭിക്കാന്‍
കോട്ടയം മുണ്ടക്കയത്ത് പുല്ലയാറിൽ കാണാതായ യുവാവിന്റെ മൃതദേഹം കണ്ടെത്തി. അടൂർ സ്വദേശി ഷാഹുൽ(21) ന്റെ മൃതദേഹമാണ് പുല്ലയാറിൽ നിന്ന് 18 കിലോമീറ്റർ അകലെ എരുമേലി ഒാരങ്കൽ കടവിൽ നിന്നും കണ്ടെത്തിയത്. ഇന്ന് രാവിലെ ഏഴോടെ ഒഴുകി വരുന്ന നിലയിലാണ് മൃതദേഹം നാട്ടുകാർ കണ്ടത്. ഇൗ മാസം 16നായിരുന്നു ഷാഹുലിനെ കാണാതായത്. കൂടെ അപകടത്തിൽപെട്ട സുഹൃത്ത് പ്രവീണിന്റെ മൃതദേഹം നേരത്തെ കണ്ടെത്തിയിരുന്നു.
പുല്ലയാറിൽ വെള്ളം ഉയർന്നപ്പോൾ ഷാഹുലും സുഹൃത്ത് പ്രവീണും മീൻ പിടിക്കാനെത്തിയതാണ് ദുരന്തത്തിലേക്ക് നയിച്ചത്. കാൽ വഴുതി വെള്ളത്തിൽ വീണ പ്രവീണിനെ രക്ഷിക്കാനുള്ള ശ്രമത്തിനിടെ ഷാഹുലിനെയും കാണാതാവുകയായിരുന്നു. ഇരുവരെയും കാണാതായി മൂന്നു ദിവസങ്ങൾക്ക് ശേഷം 19ന് പ്രവീണിന്റെ മൃതദേഹം മണിമലയാറ്റിലെ മൂരിക്കയത്തു നിന്ന് കണ്ടെത്തിയിരുന്നു.
മുണ്ടക്കയത്ത് സ്വകാര്യ ക്രഷറിൽ ജോലിക്കെത്തിയതായിരുന്നു ഷാഹുലും പ്രവീണും.