15 കാരിയെ കൂട്ടമാനഭംഗത്തിനിരയാക്കിയശേഷം ശരീരത്തിലൂടെ ബൈക്ക് ഓടിച്ചുകയറ്റി

വാര്‍ത്തകള്‍ തത്സമയം ലഭിക്കാന്‍

15 കാരിയെ കൂട്ടമാനഭംഗത്തിനിരയാക്കിയശേഷം ശരീരത്തിലൂടെ ബൈക്ക് ഓടിച്ചുകയറ്റി

സാന്‍വ : 15 കാരിയെ കൂട്ടമാനഭംഗത്തിനിരയാക്കിയശേഷം കൊലപ്പെടുത്തുന്നതിനായി ശരീരത്തിലൂടെ ബൈക്ക് ഓടിച്ചുകയറ്റി. രാജസ്ഥാനിലെ ചുരു ജില്ലയിലാണ് ഞെട്ടിപ്പിക്കുന്ന സംഭവം അരങ്ങേറിയത്.

പ്രദേശവാസിയായ 15 കാരിയാണ് പീഡിപ്പിക്കപ്പെട്ടത്. ഇവിടെ ബ്രൈറ്റ് ലൈറ്റ്‌സ് ചില്‍ഡ്രണ്‍ അക്കാദമി എന്ന സ്ഥാപനം നടത്തുന്ന രാകേഷ് ഭാര്‍ഗവ എന്നയാളും സുഹൃത്തുക്കളും ചേര്‍ന്നാണ് പെണ്‍കുട്ടിയെ ആക്രമിച്ചത്. വീട്ടില്‍ അതിക്രമിച്ചുകയറിയ ഇവര്‍ പെണ്‍കുട്ടിയെ വീട്ടില്‍നിന്നു പിടിച്ചിറക്കി സമീപത്തെ തോട്ടത്തിലെത്തിച്ച് പീഡിപ്പിക്കുകയായിരുന്നു. ഇതിനുശേഷം പെണ്‍കുട്ടിയെ കൊലപ്പെടുത്തുന്നതിനായി ശരീരത്തിലൂടെ ബൈക്ക് ഓടിച്ചുകയറ്റുകയും ചെയ്തു. ഇതിനുശേഷം സംഘം പെണ്‍കുട്ടിയെ ഉപേക്ഷിച്ചു പോയി. രാത്രിമുഴുവനും കൊടുംതണുപ്പില്‍ അവശനിലയില്‍ കഴിച്ചുകൂട്ടിയ 11-ാം ക്ലാസ് വിദ്യാര്‍ഥിനിയെ പുലര്‍ച്ചെ നാട്ടുകാര്‍ ആശുപത്രിയില്‍ എത്തിക്കുകയായിരുന്നു. ശരീരമാസകലം പരിക്കേറ്റ പെണ്‍കുട്ടിയുടെ അസ്ഥികള്‍ ഒടിഞ്ഞുനുറുങ്ങിയ നിലയിലാണ്. പെണ്‍കുട്ടിയുടെ പിതാവ് നല്‍കിയ പരാതിയുടെ അടിസ്ഥാനത്തില്‍ പോലീസ് കേസ് രജിസ്റ്റര്‍ ചെയ്തു.