മോദി ദളിത്​ വിരുദ്ധൻ; വാരണാസിയിൽ ജയിക്കാൻ അനുവദിക്കില്ല:​ ചന്ദ്രശേഖർ ആസാദ്​

വാര്‍ത്തകള്‍ തത്സമയം ലഭിക്കാന്‍

മോദി ദളിത്​ വിരുദ്ധൻ; വാരണാസിയിൽ ജയിക്കാൻ അനുവദിക്കില്ല:​ ചന്ദ്രശേഖർ ആസാദ്​

ന്യൂഡൽഹി: പ്രധാനമന്ത്രി നരേന്ദ്രമോദി ദളിത്​ വിരുദ്ധനാണെന്ന്​ ഭീം ആർമി നേതാവ്​ ചന്ദ്രശേഖർ ആസാദ്​. ദളിത്​ വിരുദ്ധനായ മോദിയെ ജനങ്ങൾ അധികാരത്തിൽ നിന്ന്​ പുറത്താക്കണമെന്നും ചന്ദ്രശേഖർ ആസാദ്​ ആവശ്യപ്പെട്ടു. എനിക്ക്​ ഒരു രാഷ്​ട്രീയക്കാരനാവാൻ താൽപര്യമില്ല. പക്ഷേ മോദിയെ വാരണാസിയിൽ പെട്ടെന്ന്​ ജയിച്ച്​ കയറാൻ താൻ അനുവദിക്കില്ലെന്നും ചന്ദ്രശേഖർ ആസാദ്​ വ്യക്​തമാക്കി.

ലോക്​സഭ തെരഞ്ഞെടുപ്പിൽ മോദിക്കെതിരെ വാരണാസിയിൽ മൽസരിക്കുമെന്ന്​ അറിയിച്ചതിന്​ പിന്നാലെയാണ്​ ചന്ദ്രശേഖർ ആസാദിന്റെ പ്രസ്​താവന. ഞാൻ ബനാറസിലേക്ക്​ പോവുകയാണ്​. മോദിയെ തോൽപ്പിക്കാൻ എനിക്ക്​ നിങ്ങളുടെ സഹായം വേണം. മോദി ദളിത്​ വിരുദ്ധനായതിനാലാണ്​ ഞാൻ അദ്ദേഹത്തിനെതിരെ മൽസരിക്കുന്നത്​. ജനാധിപത്യത്തിൽ ജനങ്ങൾക്കാണ്​ ഏറ്റവും ശക്​തിയെന്ന കാര്യവും മോദിയെ മനസിലാക്കി കൊടുക്കണമെന്നും ചന്ദ്രശേഖർ ആസാദ്​ പറഞ്ഞു.


LATEST NEWS