സുപ്രീംകോടതി ജഡ്ജിമാരുടെ പ്രതിഷേധത്തെ രൂക്ഷമായി വിമശിച്ച് ജസ്റ്റിസ് കെ.ജി ബാലകൃഷ്ണന്‍

വാര്‍ത്തകള്‍ തത്സമയം ലഭിക്കാന്‍

സുപ്രീംകോടതി ജഡ്ജിമാരുടെ പ്രതിഷേധത്തെ രൂക്ഷമായി വിമശിച്ച് ജസ്റ്റിസ് കെ.ജി ബാലകൃഷ്ണന്‍

ന്യൂഡല്‍ഹി: സുപ്രീംകോടതി ജഡ്ജിമാരുടെ പ്രതിഷേധത്തിനെ രൂക്ഷമായി വിമര്‍ശിച്ച് ജസ്റ്റിസ് കെ.ജി ബാലകൃഷ്ണന്‍. സംഭവങ്ങള്‍ ദൗര്‍ഭാഗ്യകരമായിപ്പോയെന്നും ഇത് ഉണ്ടാകാന്‍ പാടില്ലാത്തതായിരുന്നുവെന്നും സുപ്രീംകോടതിക്കെതിരെ ജനങ്ങളില്‍ സംശയങ്ങള്‍ ഉണ്ടാക്കാന്‍ മാത്രമേ ഇത്തരം കാര്യങ്ങള്‍ ഉപകാരപ്പെടൂവെന്നും കെ.ജി ബാലകൃഷ്ണന്‍ പ്രതികരിച്ചു.

കുറച്ചു മാസമായി സുപ്രീംകോടതിയുടെ പ്രവര്‍ത്തനങ്ങള്‍ ശരിയായ വിധത്തിലല്ല നടക്കുന്നതെന്ന് ആരോപിച്ചായിരുന്നു ജസ്റ്റിസുമാര്‍ വാര്‍ത്താസമ്മേളനം നടത്തിയത്. സംഭവിക്കാന്‍ പാടില്ലാത്തതാണ് കഴിഞ്ഞ ഏതാനും മാസങ്ങളായി സംഭവിച്ചുകൊണ്ടിരിക്കുന്നത്. മുതിര്‍ന്ന അംഗങ്ങള്‍ എന്ന നിലയില്‍ കോടതിയോടും രാജ്യത്തോടും ചില കാര്യങ്ങള്‍ വെളിപ്പെടുത്തേണ്ടത് ഞങ്ങളുടെ ഉത്തരവാദിത്വമാണെന്നും പറഞ്ഞുകൊണ്ടായിരുന്നു ജസ്റ്റിസുമാര്‍ വാര്‍ത്താസമ്മേളനം നടത്തിയത്. ജസ്റ്റിസ് ചെലമേശ്വര്‍, കുര്യന്‍ ജോസഫ്, രഞ്ജന്‍ ഗോഗോയ്, മദന്‍ ബി ലോകൂര്‍ എന്നീ ജഡ്ജിമാരായിരുന്നു വാര്‍ത്താസമ്മേളനത്തില്‍ പങ്കെടുത്തിരുന്നത്.