മുതിര്‍ന്ന കേന്ദ്ര മന്ത്രിമാര്‍ മൗനമവലംബിക്കുന്നത്​ അവരുടെ സ്​ഥാനം നഷ്ടപ്പെടുമെന്ന ഭയത്താല്‍; യശ്വന്ത്​ സിന്‍ഹ

വാര്‍ത്തകള്‍ തത്സമയം ലഭിക്കാന്‍

മുതിര്‍ന്ന കേന്ദ്ര മന്ത്രിമാര്‍ മൗനമവലംബിക്കുന്നത്​ അവരുടെ സ്​ഥാനം നഷ്ടപ്പെടുമെന്ന ഭയത്താല്‍; യശ്വന്ത്​ സിന്‍ഹ

ന്യൂഡല്‍ഹി: സുപ്രീം കോടതി ജഡ്​ജിമാര്‍ പറഞ്ഞത്​ ശ്രദ്ധിക്കേണ്ടത്​ നമ്മുടെ ബാധ്യതയാണെന്ന്​ ബി.ജെ.പി നേതാവ്​ യശ്വന്ത്​ സിന്‍ഹ. മുതിര്‍ന്ന ജഡ്​ജിമാര്‍ പരസ്യമായി ജന​ങ്ങളോട്​ കാര്യങ്ങള്‍ വിവരിക്കു​മ്പോള്‍ അതെങ്ങനെ സുപ്രീംകോടതിയുടെ ആഭ്യന്തര കാര്യമാകു​െമന്ന്​ സിന്‍ഹ ചോദിച്ചു.

സുപ്രീംകോടതി കുത്തഴിഞ്ഞ അവസ്​ഥയിലാണ്​. ജനാധിപത്യം അപകടത്തിലും. ഇന്ത്യയുടെ പാര്‍ലമ​െന്‍റ്​ എവിടെപ്പോയിയെന്നും അദ്ദേഹം ചോദിച്ചു. മുതിര്‍ന്ന കേന്ദ്ര മന്ത്രിമാര്‍ വിഷയത്തെ കുറിച്ച്‌​ മൗനമവലംബിക്കുന്നത്​ അവരു​െട സ്​ഥാനം നഷ്​ടപ്പെടുമെന്ന ഭയത്താലാണ്​. സര്‍ക്കാര്‍ ഇൗ വിഷയത്തിലിടപെടണമെന്നല്ല, അത്​ സുപ്രീം കോടതിക്ക്​ വിടണം. എന്നാല്‍ ജനാധിപത്യത്തെ സംരക്ഷിക്കുന്നതിന്​ സര്‍ക്കാര്‍ അതി​​െന്‍റ പങ്ക്​ വഹിക്കണം. ജനാധിപത്യം അപകടത്തിലാണെങ്കില്‍ ആ ഭീഷണിക്കെതി​രെ നില്‍ക്കാന്‍ സര്‍ക്കാറിന്​ ഉത്തരവാദിത്തമുണ്ടെന്നും സിന്‍ഹ പറഞ്ഞു.

സുപ്രീം കോടതിയിലെ പ്രതിസന്ധി അവരുടെ ആഭ്യന്തരകാര്യമാണെന്നും ഇത്​ ഉപയോഗിച്ച്‌​ ​േകാണ്‍ഗ്രസ്​ രാഷ്​ട്രീയം കളിക്കുകയാണെന്നും നേരത്തെ ബി.ജെ.പി പറഞ്ഞിരുന്നു. ജഡ്​ജിമാര്‍ ഉന്നയിച്ച വിഷയം സുപ്രീം കോടതിയി​െല മുഴുവന്‍ ജഡ്​ജിമാരും ചേര്‍ന്നിരുന്ന്​ ചര്‍ച്ച ചെയ്യണമെന്നും ലോയ കേസ്​ മുതിര്‍ന്ന ജഡ്​ജിമാരുടെ ബെഞ്ചിന്​ കൈമാറണമെന്നും രാഹുല്‍ ഗാന്ധി ആവശ്യപ്പെട്ടിരുന്നു. ഇതിനെതിരെയായിരുന്നു ബി.ജെ.പിയു​െട വിമര്‍ശനം.


LATEST NEWS