കേരള പി.എസ്.സി ഹയര്‍ സെക്കന്‍ഡറി അധ്യാപകനിയമനത്തിനുള്ള പരീക്ഷകള്‍  ജനുവരിയില്‍ ആരംഭിക്കും

വാര്‍ത്തകള്‍ തത്സമയം ലഭിക്കാന്‍

കേരള പി.എസ്.സി ഹയര്‍ സെക്കന്‍ഡറി അധ്യാപകനിയമനത്തിനുള്ള പരീക്ഷകള്‍  ജനുവരിയില്‍ ആരംഭിക്കും

തിരുവനന്തപുരം: ഹയര്‍ സെക്കന്‍ഡറി അധ്യാപകനിയമനത്തിനുള്ള പരീക്ഷകള്‍ 2018 ജനുവരിയില്‍ പി.എസ്.സി. ആരംഭിക്കും. ഇക്കണോമിക്‌സ്, ഗണിതം, മലയാളം, ജ്യോഗ്രഫി, പൊളിറ്റിക്‌സ് എന്നീ വിഷയങ്ങളുടെ പരീക്ഷ ജനുവരിയില്‍ നടത്തും. ബാക്കി വിഷയങ്ങള്‍ക്ക് ഫെബ്രുവരിയിലായിരിക്കും പരീക്ഷ. മാര്‍ച്ച്, ഏപ്രില്‍ മാസങ്ങളിലായി അഭിമുഖം നടത്തി മേയ്-ജൂണില്‍ റാങ്ക്പട്ടികകള്‍ പ്രസിദ്ധീകരിക്കും.

അപേക്ഷകര്‍ കുറവുള്ള വിഷയങ്ങള്‍ക്ക് ഓണ്‍ലൈന്‍ പരീക്ഷയായിരിക്കും നടത്തുക. ജ്യോഗ്രഫി, പൊളിറ്റിക്‌സ് എന്നിവയ്ക്ക് ജനുവരിയില്‍ ഓണ്‍ലൈന്‍ പരീക്ഷയാണ് നിശ്ചയിച്ചിട്ടുള്ളത്. ഇക്കണോമിക്‌സ്, ഗണിതം, മലയാളം എന്നിവയ്ക്ക് ഒ.എം.ആര്‍ പരീക്ഷയും. വിശദമായ പരീക്ഷാ കലണ്ടര്‍ ഈയാഴ്ച പ്രസിദ്ധീകരിക്കും.

ആറും ഏഴും വര്‍ഷത്തെ ഇടവേളയ്ക്കുശേഷമാണ് ഹയര്‍ സെക്കന്‍ഡറി അധ്യാപകതസ്തികയിലേക്ക് പി.എസ്.സി. അപേക്ഷ ക്ഷണിച്ചത്. 17 വിഷയങ്ങളുടെ വിജ്ഞാപനം രണ്ടുഘട്ടമായി പ്രസിദ്ധീകരിച്ചു. ഇംഗ്ലീഷ്, പൊളിറ്റിക്‌സ്, സംസ്‌കൃതം, മലയാളം, ഹിന്ദി, അറബിക്, മാത്തമാറ്റിക്‌സ്, ഫിസിക്‌സ്, കെമിസ്ട്രി, ബോട്ടണി, സുവോളജി, ജ്യോഗ്രഫി, ഹിസ്റ്ററി, ഇക്കണോമിക്‌സ്, കോമേഴ്‌സ്, സോഷ്യോളജി, കംപ്യൂട്ടര്‍ സയന്‍സ് എന്നിവയുടെതാണ് ഈയിടെ പ്രസിദ്ധീകരിച്ചത്. ഇതിനുമുന്‍പ്, ആറുവിഷയങ്ങള്‍ക്ക് വിജ്ഞാപനം പ്രസിദ്ധീകരിച്ചിരുന്നു. മിക്ക വിഷയങ്ങള്‍ക്കും നിലവില്‍ റാങ്ക്പട്ടികയില്ല. പല വിഷയങ്ങള്‍ക്കും പുതിയ അധ്യാപകതസ്തികകള്‍ അനുവദിച്ചിട്ടുമുണ്ട്. പ്രതീക്ഷിത ഒഴിവുകള്‍ കണക്കാക്കിയാണ് വിജ്ഞാപനം തയ്യാറാക്കിയിട്ടുള്ളത്.