ആദിവാസി യുവാവിന്റെ കൊലപാതകം: മൃതദേഹം  കൊണ്ടുവന്ന ആംബുലന്‍സ് നാട്ടുകാര്‍ തടഞ്ഞു

വാര്‍ത്തകള്‍ തത്സമയം ലഭിക്കാന്‍

ആദിവാസി യുവാവിന്റെ കൊലപാതകം: മൃതദേഹം  കൊണ്ടുവന്ന ആംബുലന്‍സ് നാട്ടുകാര്‍ തടഞ്ഞു

അഗളി: മോഷണക്കുറ്റം ആരോപിച്ച് നാട്ടുകാര്‍ മര്‍ദ്ദിച്ചു കൊന്ന മധു എന്ന ആദിവാസി യുവാവിന്റെ മൃതദേഹം  കൊണ്ടുവന്ന ആംബുലന്‍സ്  അഗളി പ്രാഥമിക ആരോഗ്യ കേന്ദ്രത്തിന് മുന്നില്‍ നാട്ടുകാര്‍ തടഞ്ഞു. കുറ്റവാളികളെ അറസ്റ്റ് ചെയ്യുന്നതുവരെ പോസ്റ്റ് മോര്‍ട്ടം നടത്താന്‍ സമ്മതിക്കില്ലെന്ന് പറഞ്ഞാണ് ആംബുലന്‍സ് തടഞ്ഞത്.പോലീസ് ഇടപെട്ട് പിന്നീട്  നാട്ടുകാരെ അനുനയിപ്പിച്ചു മൃതദേഹം തൃശൂര്‍ മെഡിക്കല്‍ കോളേജിലേക്ക് കൊണ്ടുപോയി.

സംഭവവുമായി ബന്ധപ്പെട്ട് രണ്ടു പേരുടെ അറസ്റ്റ് രേഖപ്പെടുത്തിയതായി പോലീസ് അറിയിച്ചതോടെയാണ് പ്രതിഷേധക്കാര്‍ ചര്‍ച്ചക്ക് തയ്യാറായത്.മോഷണം നടന്നുവെന്നു  ആരോപണമുന്നയിച്ച കടയുടമ ഹുസൈന്‍, കരീം എന്നിവരുടെ അറസ്റ്റാണ് രേഖപ്പെടുത്തിയത്. കൂടുതല്‍ പേര്‍ കസ്റ്റഡിയിലുള്ളതായി പോലീസ് അറിയിച്ചു. മുഴുവന്‍ പ്രതികളേയും ഇന്നു തന്നെ പിടികൂടുമെന്ന് ജില്ലാ പോലീസ് മേധാവി പ്രതീഷ് കുമാര്‍ പറഞ്ഞു.

അട്ടപ്പാടിയില്‍ ആദിവാസി യുവാവ് മരിച്ച സംഭവം വേദനാ ജനകമാണെന്ന് ദേശീയ പട്ടിക വര്‍ഗ കമ്മീഷന്‍ വ്യക്തമാക്കി. സംസ്ഥാന സര്‍ക്കാരിനോട് റിപ്പോര്‍ട്ട് ആവശ്യപ്പെടുമെന്നും, ആവശ്യമെങ്കില്‍ കേരളം സന്ദര്‍ശിക്കുമെന്നും കമ്മീഷന്‍ അറിയിച്ചു.


LATEST NEWS