ഗംഗേശാനന്ദയുടെ ജനനേന്ദ്രിയം ഛേദിച്ച  പെൺകുട്ടി വീട്ടുതടങ്കലിലാണെന്ന് കാമുകൻ  

വാര്‍ത്തകള്‍ തത്സമയം ലഭിക്കാന്‍

ഗംഗേശാനന്ദയുടെ ജനനേന്ദ്രിയം ഛേദിച്ച  പെൺകുട്ടി വീട്ടുതടങ്കലിലാണെന്ന് കാമുകൻ  

തിരുവനന്തപുരം∙ ഗംഗേശാനന്ദയുടെ ജനനേന്ദ്രിയം ഛേദിച്ച  പെൺകുട്ടി വീട്ടുതടങ്കലിലാണെന്ന് കാമുകൻ അയ്യപ്പദാസ്. പെൺകുട്ടിയെ കാണുന്നില്ലെന്നു കാട്ടി അയ്യപ്പദാസ് ഹൈക്കോടതിയിൽ ഹേബിയസ് കോർപ്പസ് ഹർജി നൽകി. സംഭവത്തിൽ കോടതി പൊലീസിനോട് വിശദീകരണം തേടി. സുഹൃത്തായ അയ്യപ്പദാസാണ് സ്വാമിയുടെ ജനനേന്ദ്രിയം ഛേദിക്കണമെന്ന് ആവശ്യപ്പെട്ടതെന്ന് പെൺകുട്ടി ഗംഗേശാനന്ദയുടെ അഭിഭാഷകനോട് വെളിപ്പെടുത്തുന്നതിന്റെ ഫോൺ സംഭാഷണം കഴിഞ്ഞ ദിവസം പുറത്തുവന്നിരുന്നു.

ഗംഗേശാനന്ദയോട് അയ്യപ്പദാസിനു വൈരാഗ്യമുണ്ടായിരുന്നു. കട്ടിലിന് അടിയിലോ മറ്റോ ഒളിച്ചിരുന്നു താൻ തന്നെ അതു ചെയ്യാമെന്നാണ് അയ്യപ്പദാസ് ആദ്യം പറഞ്ഞത്. പിന്നീട് തന്നോടു ചെയ്യാൻ നിർദേശിക്കുകയായിരുന്നുവെന്നും പെൺകുട്ടി പറഞ്ഞിരുന്നു.

ഗംഗേശാനന്ദയുമായി കുടുംബത്തിനുള്ള സാമ്പത്തിക ഇടപാടുകളെക്കുറിച്ച് അയ്യപ്പദാസിന് അറിയാമായിരുന്നു. ഗംഗേശാനന്ദ സാമ്പത്തികമായി ചൂഷണം ചെയ്യുകയാണെന്നു തെറ്റിദ്ധരിപ്പിച്ചാണ് അയ്യപ്പദാസ് ഈ കൃത്യത്തിനു തന്നെ പ്രേരിപ്പിച്ചതെന്നും പെണ്‍കുട്ടി പറഞ്ഞിരുന്നു.  


LATEST NEWS