പ്രവാസി എഞ്ചിനീയറില്‍ നിന്ന് 50 ലക്ഷം രൂപ തട്ടിയെന്ന കേസ്  ക്രൈംബ്രാഞ്ച് അന്വേഷിക്കും; പി.വി അന്‍വര്‍ നല്‍കിയ പുനപരിശോധനാ ഹര്‍ജി ഹൈക്കോടതി തള്ളി

വാര്‍ത്തകള്‍ തത്സമയം ലഭിക്കാന്‍

പ്രവാസി എഞ്ചിനീയറില്‍ നിന്ന് 50 ലക്ഷം രൂപ തട്ടിയെന്ന കേസ്  ക്രൈംബ്രാഞ്ച് അന്വേഷിക്കും; പി.വി അന്‍വര്‍ നല്‍കിയ പുനപരിശോധനാ ഹര്‍ജി ഹൈക്കോടതി തള്ളി

കൊച്ചി:കോഴിക്കോട് സ്വദേശിയായ പ്രവാസി എഞ്ചിനീയറില്‍ നിന്ന് 50 ലക്ഷം രൂപ തട്ടിയെന്ന കേസ് ക്രൈംബ്രാഞ്ച് അന്വേഷിക്കും. കേസ് ക്രൈംബ്രാഞ്ച് ഏറ്റെടുക്കണമെന്ന ഹൈക്കോടതി ഉത്തരവിനെതിരെ പി വി അന്‍വര്‍ നല്‍കിയ പുന:പരിശോധന ഹര്‍ജി കോടതി തള്ളി. പുന:പരിശോധന  നടത്തുന്നതിനുള്ള കാരണങ്ങള്‍ ഹര്‍ജിയില്‍ ഇല്ലെന്ന് ചൂണ്ടിക്കാട്ടിയാണ്  ഹര്‍ജി കോടതി തളളിയത്. 

കര്‍ണാടകയില്‍ ക്രഷര്‍ യൂണിറ്റില്‍ പാര്‍ണര്‍ഷിപ്പ് നല്‍കാമെന്ന് പറഞ്ഞ് പ്രവാസിയില്‍ നിന്ന് 50 ലക്ഷം രൂപ അന്‍വര്‍ കൈപ്പറ്റി കബളിപ്പിച്ചു എന്നാണ് കേസ്. ഈ കേസില്‍ ക്രൈം ബ്രാഞ്ച് അന്വേഷണത്തിന് ഹൈക്കോടതി ഉത്തരവിട്ടിരുന്നു. രാഷ്ട്രീയസമ്മര്‍ദം മൂലം മഞ്ചേരി പൊലീസിന്റെ അന്വേഷണം തൃപ്തികരമല്ലെന്ന് ചൂണ്ടിക്കാട്ടി പരാതിക്കാരന്‍ മലപ്പുറം പാണക്കാട് സ്വദേശി സലീം നടുത്തൊടി സമര്‍പ്പിച്ച ഹര്‍ജിയിലാണ് കോടതി ഉത്തരവ്. മഞ്ചേരി സിഐയില്‍ നിന്നാണ് കേസ് ക്രൈംബ്രാഞ്ച് സിഐഡിക്ക് കൈമാറിയത്.