പ്രധാനമന്ത്രി നരേന്ദ്ര മോദി ഓഖി ദുരിത മേഖലയായ പൂന്തുറ സന്ദര്‍ശിക്കുമെന്ന് കുമ്മനം രാജശേഖരന്‍

വാര്‍ത്തകള്‍ തത്സമയം ലഭിക്കാന്‍

പ്രധാനമന്ത്രി നരേന്ദ്ര മോദി ഓഖി ദുരിത മേഖലയായ പൂന്തുറ സന്ദര്‍ശിക്കുമെന്ന് കുമ്മനം രാജശേഖരന്‍

തിരുവനന്തപുരം: പ്രധാനമന്ത്രി നരേന്ദ്ര മോദി ഓഖി ദുരിത മേഖലയായ പൂന്തുറ സന്ദര്‍ശിക്കുമെന്ന് ബിജെപി സംസ്ഥാന അധ്യക്ഷന്‍ കുമ്മനം രാജശേഖരന്‍. ഇക്കാര്യം പ്രധാനമന്ത്രിയുടെ ഓഫീസ് സ്ഥിരീകരിച്ചിട്ടുണ്ടെന്ന് കുമ്മനം വ്യക്തമാക്കി. സുരക്ഷ കാരണങ്ങള്‍ ചൂണ്ടിക്കാട്ടി സന്ദര്‍ശനം റദ്ദ് ചെയതു എന്നായിരുന്നു ഇതുവരെയുള്ള വിവരം. ഓഖി ദുരന്തക്കെറിച്ച്‌ വിലയിരുത്താന്‍ എത്തുന്ന പ്രധാനമന്ത്രി ദുരിത ബാധിത പ്രദേശങ്ങള്‍ സന്ദര്‍ശിക്കില്ലെന്നും മത്സ്യതൊഴിലാളികളുടെ പ്രതിനിധികളുമായി രാജ്ഭവനില്‍ കൂടിക്കാഴ്ച നടത്തുമെന്നും കഴിഞ്ഞ ദിവസം റിപ്പോര്‍ട്ടുകള്‍ പുറത്തുവന്നിരുന്നു. അതിന് പിന്നാലെയാണ് വിശദീകരണവുമായി കുമ്മനം രംഗത്തെത്തിയത്.

മത്സ്യത്തൊഴിലാളികളുമായി പത്തു മിനിറ്റ് കൂടിക്കാഴ്ചയ്ക്കാണ് സമയം അനുവദിച്ചിരിക്കുന്നത്. സെന്റ് തോമസ് സ്കൂളില്‍ വെച്ചാണ് കൂടിക്കാഴ്ച നടത്തുന്നത്. ദുരിതത്തെക്കുറിച്ച്‌ വിലയിരുത്താന്‍ എത്തുന്ന പ്രധാനമന്ത്രി ഒരു ദിവസം മാത്രമാണ് തിരുവനന്തപുരത്ത് തങ്ങുന്നത്. കന്യാകുമാരിയും പ്രധാനമന്ത്രി സന്ദര്‍ശിക്കുന്നുണ്ട്.