എംഎല്‍എ കെകെ രാമചന്ദ്രന്‍നായരുടെ നിര്യാണത്തില്‍ വിഎസ് അച്ചുതാനന്ദന്‍ അനുശോചിച്ചു

വാര്‍ത്തകള്‍ തത്സമയം ലഭിക്കാന്‍

എംഎല്‍എ കെകെ രാമചന്ദ്രന്‍നായരുടെ നിര്യാണത്തില്‍ വിഎസ് അച്ചുതാനന്ദന്‍ അനുശോചിച്ചു

തിരുവനന്തപുരം: ഇന്ന് പുലര്‍ച്ചെ അന്തരിച്ച ചെങ്ങന്നൂര്‍ എംഎല്‍എ കെകെ രാമചന്ദ്രന്‍നായരുടെ നിര്യാണത്തില്‍ വിഎസ് അച്ചുതാനന്ദന്‍ അനുശോചിച്ചു. സിപിഐ എമ്മിനും ഇടതുപക്ഷത്തിനും രാമചന്ദ്രന്‍നായരുടെ വിയോഗം വലിയ നഷ്ടമാണുണ്ടാക്കിയിരിക്കുന്നതെന്നും വിഎസ് പറഞ്ഞു. 

ചെന്നൈയിലെ അപ്പോളോ ആശുപത്രിയിൽ വെച്ച് പുലര്‍ച്ചെ നാലിനായിരുന്നു അന്ത്യം. കരള്‍ രോഗത്തെത്തുടര്‍ന്ന് ചികിത്സയിലായിരുന്നു. വിദ്യാര്‍ത്ഥി രാഷ്ട്രീയത്തിലൂടെ സിപിഐഎമ്മിലെത്തിയ കെകെ രാമചന്ദ്രന്‍ നായര്‍ സിപിഐഎം ഏരിയ സെക്രട്ടറിയായും പ്രവര്‍ത്തിച്ചിട്ടുണ്ട്. 2001ലാണ് അദ്ദേഹം ആദ്യമായി നിയമസഭയിലേക്ക് മത്സരിക്കുന്നത്. കോണ്‍ഗ്രസ് സ്ഥാനാര്‍ഥി ശോഭന ജോര്‍ജിനെതിരെ 1465 വോട്ടുകള്‍ക്കാണ് അദ്ദേഹം പരാജയപ്പെട്ടത്. പിന്നീട് 2016ല്‍ നടന്ന തെരഞ്ഞെടുപ്പില്‍ പ്രമുഖ കോണ്‍ഗ്രസ് നേതാവ് പി.സി.വിഷ്ണുനാഥിനെ 8000ത്തോളം വോട്ടുകള്‍ക്ക് അദ്ദേഹം പരാജയപ്പെടുത്തി.


LATEST NEWS