ഓലിയില്‍ ഓര്‍മിക്കാനൊരു വേനല്‍ക്കാലം

വാര്‍ത്തകള്‍ തത്സമയം ലഭിക്കാന്‍

ഓലിയില്‍ ഓര്‍മിക്കാനൊരു വേനല്‍ക്കാലം

ഉത്തരാഖണ്ഡിലെ അതിസുന്ദരമായ വിനോദ സഞ്ചാര കേന്ദ്രങ്ങളില്‍ ഒന്നാണ്‌ ഓലി. മഞ്ഞ്‌ മൂടിയ മലഞ്ചെരുവുകളും ദേവദാരു വനങ്ങളുടെ ഹരിതാഭയും ആണ്‌ ഓലിയിലെ കാഴ്‌ചകള്‍ക്ക്‌ പശ്ചാത്തലമൊരുക്കുന്നത്‌. ഓലിയിലെ സ്‌കീയിങ്‌ കേന്ദ്രങ്ങള്‍ ലോകശ്രദ്ധ ആകര്‍ഷിച്ചവയാണ്‌. പുല്‍മേട്‌ എന്നര്‍ത്ഥം വരുന്ന ബുഗ്യാല്‍ എന്നൊരു പേരും കൂടി ഓലിയ്‌ക്കുണ്ട്‌. എട്ടാം നൂറ്റാണ്ട്‌ മുതലുള്ള ഓലിയുടെ ചരിത്രം പറയപ്പെടുന്നുണ്ട്‌. ആദി ശങ്കരാചാര്യര്‍ ഈ സ്ഥലം സന്ദര്‍ശിച്ചിട്ടുണ്ടെന്നാണ്‌ വിശ്വാസം.

ഓലിയിലെ മഞ്ഞ്‌ വീണ മലഞ്ചെരുവുകള്‍ സ്‌കീയിങിനെ അതിന്റെ പൂര്‍ണതയില്‍ ആസ്വദിക്കാനുള്ള അവസരമാണ്‌ നല്‍കുന്നത്‌. ലോകത്തിലെ ഏറ്റവും നല്ല സ്‌കീയിങ്‌ സൈറ്റുകളില്‍ ഒന്നായാണ്‌ ഓലിയെ കണക്കാക്കുന്നത്‌. ഓലിയില്‍ സ്‌കീയിങ്‌ ആസ്വദിക്കാന്‍ ഏറ്റവും അനുയോജ്യമായ സമയം വേനല്‍ക്കാലമാണ്‌. ഓലിയില്‍ വിവിധ ഏജന്‍സികള്‍ സ്‌കീയിങിനാവശ്യമായ സംവിധാനങ്ങളും വിവിധ പാക്കേജുകളും ലഭ്യമാക്കുന്നുണ്ട്‌. സ്‌കീയിങിന്‌ താല്‍പര്യമുള്ളവര്‍ക്ക്‌ ആവശ്യമായ പരിശീലനവും ഇവിടെ നല്‍കുന്നുണ്ട്‌. സ്‌കീയിങ്‌ കഴിഞ്ഞാല്‍ ഓലിയില്‍ സന്ദര്‍ശകര്‍ ഇഷ്‌ടപ്പെടുന്നത്‌ ട്രക്കിങ്‌ ആണ്‌. ഹിമാലയന്‍ മലനിരകളിലെ ട്രക്കിങ്ങിന്‌ ഏറ്റവും അനുയോജ്യമായ മലഞ്ചെരുവുകളാണ്‌ ഇവിടുത്തേത്‌.


 


LATEST NEWS