ഗള്‍ഫ് രാജ്യങ്ങളില്‍നിന്ന് കേരളത്തിലേക്കുള്ള വിമാന ടിക്കറ്റ് നിരക്കില്‍ വന്‍ വര്‍ധന

വാര്‍ത്തകള്‍ തത്സമയം ലഭിക്കാന്‍

 ഗള്‍ഫ് രാജ്യങ്ങളില്‍നിന്ന് കേരളത്തിലേക്കുള്ള വിമാന ടിക്കറ്റ് നിരക്കില്‍ വന്‍ വര്‍ധന

ഗള്‍ഫ് രാജ്യങ്ങളില്‍നിന്ന് കേരളത്തിലേക്കുള്ള വിമാന ടിക്കറ്റ് നിരക്കില്‍ വന്‍ വര്‍ധന. എയര്‍ ഇന്ത്യയടക്കമുള്ളവ ആറും ഏഴും ഇരട്ടിയാണ് തുക കൂട്ടിയത്. ​ഗള്‍ഫില്‍ വിദ്യാലയങ്ങള്‍ അടച്ചതിനാല്‍ പ്രവാസി കുടുംബങ്ങള്‍ നാട്ടിലേക്ക് തിരിക്കുന്നത് മുതലെടുത്താണ് വിമാന കമ്ബനികളുടെ കൊള്ള. 

ദുബായ്, അബുദാബി, ഷാര്‍ജ എന്നിവിടങ്ങളില്‍നിന്ന് സംസ്ഥാനത്തെ മൂന്ന് വിമാനത്താവളങ്ങളിലേക്കും 5000-6000ത്തിനും ഇടയിലായിരുന്നു നിരക്ക്. ഇത് 36,000 മുതല്‍ 40,000 വരെയായാണ‌് ഉയര്‍ത്തിയത‌്. 

ജിദ്ദയില്‍നിന്ന‌് നെടുമ്ബാശേരി, തിരുവനന്തപുരം എന്നിവിടങ്ങളിലേക്ക‌് നിരക്ക് 13,000-14,000ത്തിനും ഇടയിലായിരുന്നു. ഇത‌് 50,000ത്തിന് മുകളിലാക്കി. റിയാദില്‍നിന്നും ദമാമില്‍നിന്നും കരിപ്പൂരിലെത്താന്‍ ഇപ്പോള്‍ 37,000 രൂപ നല്‍കണം. 12,000 രൂപയായിരുന്നു ഒരാഴ്ച മുമ്ബത്തെ നിരക്ക്. മസ‌്കത്ത്, ഒമാന്‍, ഖത്തര്‍ എന്നിവിടങ്ങളില്‍നിന്ന‌് കരിപ്പൂരിലേക്കുള്ള നിരക്ക് 36,000 രൂപയാണ്. നെടുമ്ബാശേരി, തിരുവനന്തപുരം എന്നിവിടങ്ങളിലേക്ക് 32,000 രൂപയും. 8000 മുതല്‍ 9000 വരെയായിരുന്നു പഴയ നിരക്ക്. 

ആഗസ‌്ത‌് ആദ്യവാരത്തോടെ സംസ്ഥാനത്ത‌ുനിന്ന‌് ഗള്‍ഫ‌് നാടുകളിലേക്കുള്ള നിരക്കും വര്‍ധിപ്പിക്കും. ഒരാഴ്ചയായി വിദേശ വിമാന കമ്ബനികള്‍ കേരളത്തിലേക്ക് ബുക്കിങ് സ്വീകരിക്കുന്നില്ല. അടുത്ത ഒരുമാസത്തേക്ക് ടിക്കറ്റ് കിട്ടാനുമില്ല. ഒരുമാസം മുമ്ബ് ബുക്ക് ചെയ്തവര്‍ക്കാണ് ഇപ്പോള്‍ നാട്ടിലെത്താനാകുന്നത്. ബന്ധുക്കളുടെ വിവാഹത്തിനും മരണത്തിനും എമര്‍ജന്‍സി ടിക്കറ്റില്‍ വരാനുള്ള സംവിധാനവും നിലച്ചു. കാത്തിരിപ്പ് പട്ടികയിലുള്ള ഭൂരിപക്ഷവും യാത്ര റദ്ദാക്കുകയാണ്.