അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.എഎംഎംഎ തെരഞ്ഞെടുപ്പ് പ്രചരണം തുടരുകയാണ്. ആരോപണ പ്രത്യാരോപണങ്ങൾ നടത്തിയാണ് എല്ലാ സ്ഥാനാർഥികളും മുന്നേറുന്നത്. ഇപ്പോഴിതാ സംഘടനയിലെ അംഗങ്ങൾക്കെതിരെ നടൻ ഹരീഷ് പേരടി രംഗത്ത് വന്നിരിക്കുകയാണ്. രാജിവച്ചു പോയ തന്നെപ്പോലും താരസംഘടനയിലെ ഇലക്‌ഷനു മത്സരിക്കുന്ന താരങ്ങൾ വോട്ട് ചോദിക്കാനായി വിളിച്ച് ശല്യപ്പെടുത്താറുണ്ടെന്നും ഇനിയും സംഘടനയിലെ അംഗമല്ലാതെ മലയാള സിനിമയിൽ അഭിനയിച്ചുകൊണ്ടിരിക്കും എന്നും ഹരീഷ് പേരാടി പറഞ്ഞു. ഫേസ്ബുക്ക് കുറിപ്പിലായിരുന്നു പ്രതികരണം.
താരം പറയുന്നു……..
എഎംഎംഎ എന്ന സംഘടനയിലെ പ്രകടമായ സ്ത്രീ വിരുദ്ധതയുടെ പേരിൽ രണ്ട് വർഷം മുമ്പ് മാധ്യമങ്ങളിലൂടെ ചർച്ച ചെയ്യപ്പെട്ട, പരസ്യമായി രാജിവച്ച് പോയ എന്നെ ഇപ്പോഴും എഎംഎംഎയിലെ തിരഞ്ഞെടുപ്പിൽ മത്സരിക്കുന്ന സ്ഥാനാർത്ഥികളിൽ പലരും വോട്ട് ചെയ്യാൻ വേണ്ടി വിളിക്കുന്നു എന്ന് പറയുമ്പോൾ ഈ സംഘടനയുടെ സംഘടനാപരമായ ഒരു പൊള്ളത്തരം നിങ്ങൾക്ക് ഊഹിക്കാവുന്നതേയുള്ളു.
ഞാൻ രാജിവച്ച കാര്യം എന്നെ വിളിക്കുന്നവരെ ഓർമപ്പെടുത്തുമ്പോൾ ഈ സ്ഥാനാർത്ഥികൾ എന്നോട് പറയും അത് നന്നായി എന്തുകൊണ്ടും താങ്കളുടെ തീരുമാനം വളരെ നല്ലതായിരുന്നു എന്ന് കാലം തെളിയിക്കുന്നു എന്ന്. പിന്നെ ഞാൻ എന്തു പറയാൻ? ഒന്ന് മാത്രം ഉറക്കെ പറയുന്നു ഞാൻ ഇനിയും എഎംഎംഎയുടെ മെമ്പർ അല്ലാതെ മലയാള സിനിമയിൽ അഭിനയിക്കും, അഭിനയിച്ചു കൊണ്ടേയിരിക്കും. ഇത് എന്റെ തീരുമാനമാണ്.’’–ഹരീഷ് പേരടിയുടെ വാക്കുകൾ.
content highlight: Hareesh Peradi
