അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കുവൈത്തിൽ ഔദ്യോഗിക അനുമതിയില്ലാതെ ലോഹങ്ങളും പുരാവസ്തുക്കളും കണ്ടെത്താൻ ഉപയോഗിക്കുന്ന ഉപകരണങ്ങൾ (മെറ്റൽഡിറ്റക്ടർ) ഉപയോഗിക്കുന്നത് കുറ്റകരം. നിയമവിഗ്ധർ ആണ് ഇത് സംബന്ധിച്ച മുന്നറിയിപ്പ് നൽകിയത്.
ഇത്തരം പ്രവർത്തനങ്ങളിൽ ഏർപ്പെടുന്നവർക്ക് തടവും കനത്ത പിഴയും ഉപകരണങ്ങൾ കണ്ടുകെട്ടുന്നതും ഉൾപ്പെടെയുള്ള ശിക്ഷകൾ ലഭിക്കും. നിധി വേട്ട വർധിച്ചുവരുന്ന സാഹചര്യത്തിലാണ് മുന്നറിയിപ്പ് നൽകിയിരിക്കുന്നത്. ധാതുക്കളും പുരാവസ്തുക്കളും കണ്ടെത്താനായി വിപണനം ചെയ്യുന്ന ഉപകരണങ്ങൾ ആളുകൾ ഭൂമിക്കടിയിലെ നിധി കണ്ടെത്താൻ ദുരുപയോഗം ചെയ്യുന്നതിനെക്കുറിച്ച് ആശങ്കകൾ വർധിച്ചിരുന്നു.
ഇത് കുവൈത്തിന്റെ പരിസ്ഥിതിക്കും സാംസ്കാരിക പൈതൃകത്തിനും ഗുരുതരമായ അപകടങ്ങൾ സൃഷ്ടിക്കുമെന്ന് വിദഗ്ദ്ധർ ചൂണ്ടിക്കാട്ടുന്നു. ഭൂമിക്കടിയിലെ ലോഹങ്ങൾ/ധാതുക്കൾ കണ്ടെത്തുന്നത് അപകടകരമായ പാർശ്വഫലങ്ങളുള്ള ഒരു പര്യവേക്ഷണ പ്രവർത്തനമാണ് എന്ന് കുവൈത്ത് യൂണിവേഴ്സിറ്റിയിലെ നിയമ പ്രൊഫസറും ഭരണഘടനാ, കാസേഷൻ കോടതികളിലെ അഭിഭാഷകനുമായ ഡോ. അലി ഹുസൈൻ അൽ ദോസരി പറഞ്ഞു.
