അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.തിരുവനന്തപുരം: തിരുവനന്തപുരത്ത് ലഹരി മരുന്നുമായി യുവാവ് പിടിയിൽ. വിനീത് എന്നയാളാണ് പിടിയിലായത്. ഇയാളിൽ നിന്നും 440 ഗ്രാം എംഡിഎംഎ ആണ് പിടികൂടിയത്. വില്പനയ്ക്കായി തിരുവനന്തപുരത്ത് എത്തിച്ച ലഹരി മരുന്നാണെന്നാണ് പൊലീസിന്റെ നിഗമനം.
ചിറയിൻകീഴ് റെയിൽവേ സ്റ്റേഷൻ പരിസരത്ത് നിന്നാണ് ഇയാളെ പിടികൂടിയത്. ബെംഗളൂരുവിൽ നിന്നും ട്രെയിൻ മാർഗം ലഹരി എത്തിക്കുകയായിരുന്നു. ഡാൻസഫിനു കിട്ടിയ രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് ഇയാൾ പിടിയിലായത്.
പിന്നിൽ വലിയ ലഹരി സംഘമെന്നു പൊലീസ് പറഞ്ഞു. ട്രെയിനിൽ ഇയാൾക്കൊപ്പമുണ്ടായിരുന്നവരെ കേന്ദ്രീകരിച്ചും അന്വേഷണം നടത്തുമെന്ന് പൊലീസും ഡാൻസാഫും അറിയിച്ചു.
