അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഇന്ത്യയുടെ ഉറങ്ങുന്ന സംസ്ഥാനം എന്നാണ് ഹിമാചൽ പ്രദേശ് അറിയപ്പെടുന്നത്. മനോഹരമായ ഭൂപ്രകൃതിയും കാലാവസ്ഥയും ഹിമാചൽ പ്രദേശിന്റെ മാത്രം സവിശേഷതയാണ്. മലനിരകളിൽ കൂടി കടന്നുവരുന്ന തണുത്ത കാറ്റ്, ഗതാഗതത്തിരക്കുകളോ ബഹളമോ ഇല്ലാത്ത അവസ്ഥ, വ്യവസായ കേന്ദ്രങ്ങൾ ഇല്ലാത്തതും ആളുകൾ നേരത്തെ ഉറങ്ങാനും ഇവിടം ശാന്തമാവാനും കാരണമാകുന്നു.
ഹിമാചലത്തിലെ ഭൂപ്രകൃതിയും അതിനോട് ചേർന്ന ജീവിതരീതിയും ഒക്കെ തന്നെയാണ് ഇത് ഉറങ്ങുന്ന സംസ്ഥാനം എന്ന പേരിൽ അറിയപ്പെടാൻ കാരണം. സൂര്യാസ്തമയത്തോടെ തന്നെ ആളുകൾ ജോലി പൂർത്തിയാക്കി വീടുകളിലേക്ക് മടങ്ങുന്നു.രാത്രിയാകുമ്പോഴേക്കും കടകൾ എല്ലാം അടയ്ക്കുകയും, തെരുവുകൾ ശാന്തമാവുകയും ചെയ്യുന്നു.രാവിലെ ഉണരുന്ന ജനങ്ങളിൽ പലരും രാത്രി 8-9 മണി ഒക്കെ ആകുമ്പോൾ തന്നെ അത്താഴവും കഴിച്ച് ഉറങ്ങാൻ തുടങ്ങുന്നു.
വളരെ ശാന്തമായ അന്തരീക്ഷമാണ് ഇവിടെ മിക്കവാറും. കാലാവസ്ഥയും ഭൂപ്രകൃതിയുമാണ് അതിന് കാരണം. ഇങ്ങനെയൊക്കെയാണെങ്കിലും വർധിച്ചുവരുന്ന ടൂറിസം ഇതിൽ പലതിലും മാറ്റങ്ങൾ വരുത്തുന്നുണ്ട് എന്ന് പറയാതെ വയ്യ.അതേസമയം, പർവതനിരകളാൽ ചുറ്റപ്പെട്ട് കിടക്കുന്ന ഹിമാചൽ പ്രദേശിൽ പ്രകൃതിദുരന്തം നാശം വിതച്ചത് ഈയിടെയാണ്. കനത്ത മഴയിലും മിന്നൽ പ്രളയത്തിലും നിരവധി മരണമാണ് സംസ്ഥാനത്ത് റിപ്പോർട്ട് ചെയ്യപ്പെട്ടത്.
