അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.സാമ്പത്തിക കേസുകളിൽപെട്ട് ജയിലിൽ കഴിയുന്ന 13 തടവുകാരെ മോചിപ്പിച്ച് ഷാർജ പോലീസ്. തടവുകാരുടെ പുനരധിവാസവും കുടുംബങ്ങളുമായുള്ള പുന:സംയോജനവും ലക്ഷ്യമിട്ട് ആരംഭിച്ച ഫറജ് ഫണ്ടുമായി കൈകോർത്ത് കട ബാധ്യതകൾ ഷാർജ പോലീസ് തീർപ്പാക്കിയതോടെയാണ് മോചനം സാധ്യമായത്. പുനിറ്റീവ് ആൻഡ് കറക്ഷനൽ ഇൻസ്റ്റിറ്റ്യൂഷൻ ഡിപാർട്ട് നടത്തിയ 21ാമത് ഫാമിലി ഫോറത്തിൽ വെച്ചാണ് ഷാർജ പോലീസ് തടവുകാരുടെ മോചനം വെളിപ്പെടുത്തിയത്.
ജയിലിൽ നിന്നുള്ള മോചനം പുതിയ ജീവിതം ആരംഭിക്കുന്നതിനും മികച്ച ഭാവി കെട്ടിപ്പടുക്കുവാനും കുടുബപരവും സാമൂഹികവുമായ ഐക്യം ശക്തിപ്പെടുത്താനും ഈ മോചനം ഗുണകരമായിരിക്കും.
കുടുംബ ബന്ധങ്ങൾ ശക്തിപ്പെടുത്തുന്നതിനും സാമൂഹിക സന്തുലിതാവസ്ഥ കൈവരിക്കുന്നതിനും ഷാർജ പൊലീസിന്‍റെ പ്രതിബദ്ധതയാണ് കുടുംബ ഫോറങ്ങളിലൂടെ പ്രതിഫലിക്കുന്നതെന്ന് ബ്രിഗേഡിയർ ജനറൽ ഡോ. അഹമ്മദ് അൽ നൂർ പറഞ്ഞു.
STORY HIGHLIGHT: 13 prisoners released
