അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഓടിക്കൊണ്ടിരുന്ന ടാങ്കർ ലോറിയിൽ നിന്ന് സൾഫ്യൂരിക് ആസിഡ് ദേഹത്ത് വീണ് ബൈക്ക് യാത്രികന് സാരമായ പൊള്ളലേറ്റ കേസിൽ ഡ്രൈവർ അറസ്റ്റിൽ. പാല തീക്കോയി മാടപ്പള്ളിൽ സി.ആർ. ഗിരീഷ് (36) ആണ് അറസ്റ്റിലായത്.
മനുഷ്യജീവന് അപകടകരമായ രീതിയിൽ രാസവസ്തു അലക്ഷ്യമായി കൈകാര്യം ചെയ്തതിനും, അപകടകരമായ രീതിയിൽ വാഹനം ഓടിച്ചതിനുമാണ് ഇയാൾക്കെതിരെ കേസെടുത്തത്.
അറസ്റ്റ് രേഖപ്പെടുത്തിയ ശേഷം ഗിരീഷിനെ സ്റ്റേഷൻ ജാമ്യത്തിൽ വിട്ടയച്ചു. സംഭവത്തിൽ ഉൾപ്പെട്ട ടാങ്കർ ലോറി പോലീസ് കസ്റ്റഡിയിലെടുത്തിട്ടുണ്ട്.
അതേസമയം ആസിഡ് വീണ് പൊള്ളലേറ്റ ബൈക്ക് യാത്രികന് കണ്ണമാലി കണ്ടക്കടവ് പാലയ്ക്കാപ്പള്ളിവീട്ടില്‍ പി എസ് ബിനിഷ്(36) എറണാകുളം ജനറല്‍ ആശുപത്രിയില്‍ ചികിത്സയിലാണ്.
