അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഒമാനിലെ ദൊഫാർ ഗവർണറേറ്റിൽ, ടാഖ (Taqah) – മിർബാറ്റ് (Mirbat) റോഡിനടുത്തായി സ്ഥിതിചെയ്യുന്ന “ഗ്രാവിറ്റി ഹിൽ” അല്ലെങ്കിൽ “സീറോ ഗ്രാവിറ്റി പോയിന്റ്” ലോകത്തിന്റെ വിനോദസഞ്ചാര മാപ്പിൽ വിസ്മയത്തിന്റെ പേരിൽ സ്ഥാനം നേടിയിരിക്കുന്നു. ഈ സ്ഥലത്ത് കാർ ന്യൂട്രൽ ഗിയറിൽ വെച്ച് ബ്രേക്കുകൾ ഒഴിവാക്കിയാൽ, വാഹനം സ്വയം മുകളിലോട്ട് കയറും! ഭൂമിയുടെ കാന്തികശക്തി ഇല്ലാതായോ എന്ന് ആർക്കും തോന്നുന്ന അത്ഭുത പ്രതിഭാസം
കാർ ന്യൂട്രലിൽ വെച്ചാൽ ബ്രേക്ക് ഇല്ലാതെയും അതു സ്വയം മുന്നോട്ട് പോകുന്നു. അഞ്ചു സെക്കന്റിനുള്ളിൽ തന്നെ വേഗം 30 മുതൽ 40 കിലോമീറ്റർ വരെ ഉയരുമെന്നാണ് സഞ്ചാരികൾ തങ്ങളുടെ അനുഭവം പങ്കുവെക്കുന്നത്. ഇത് അനുഭവിക്കാൻ നിരവധി ടൂറിസ്റ്റുകൾ പ്രതിദിനം ഇവിടെ എത്തുന്നു. ചിലർ ഇതിനെ “മാഗ്നറ്റിക് ഹിൽ” എന്നും വിളിക്കുന്നു.
സന്ദർശിക്കാൻ ആഗ്രഹിക്കുന്നവർക്ക്
സലാല നഗരത്തിൽ നിന്നും ഏകദേശം 25 കിമീ അകലെയാണ് സ്ഥലം. ഉച്ചതിരിഞ്ഞ് വെളിച്ചത്തിൽ അനുഭവം കൂടുതൽ വ്യക്തമായി കാണാം. വാഹന നിയന്ത്രണത്തിൽ പരിചയമുള്ള ഡ്രൈവർമാരോടൊപ്പം മാത്രമേ പരീക്ഷണം നടത്താവൂ. ടൂറിസ്റ്റുകൾക്ക് ഫോട്ടോകൾക്കും വീഡിയോകൾക്കും മികച്ച ലൊക്കേഷനാണ്.
ലോകത്തെ മറ്റ് ‘സീറോ ഗ്രാവിറ്റി’ സ്ഥലങ്ങൾ
ഇത് ഒമാനിലേതു മാത്രമല്ല. ലോകത്താകമാനം ഇത്തരം വിചിത്ര പ്രദേശങ്ങൾ ഉണ്ട്:
ലഡാക്കിലെ മാഗ്നറ്റിക് ഹിൽ, ഇന്ത്യ
മങ്ക്ടൺ ഗ്രാവിറ്റി ഹിൽ, കാനഡ
ന്യൂ ജേഴ്സി ഗ്രാവിറ്റി റോഡ്, അമേരിക്ക
സിസിലിയിലെ കോസ്റ്റ ഡെൽ അന്റിഗ്രാവിറ്റ, ഇറ്റലി
അഡലൈഡ് ഹാംപ്‌ഷയർ ഹിൽ, ഓസ്ട്രേലിയ
