അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.സീരിയൽ രംഗത്ത് വലിയ ജനപ്രീതി നേടിയ നടിയാണ് സംഗീത മോഹൻ. ഒരു കാലത്ത് മലയാളി കുടുംബങ്ങളിൽ എപ്പോഴും ടെലിവിഷനിൽ കാണുന്ന മുഖമായിരുന്നു സംഗീതയുടേത്. അഭിനയ രംഗത്ത് സംഗീതയെ കാണാതായിട്ട് വർഷങ്ങളായി. ഇന്ന് സീരിയലുകളുടെ തിരക്കഥാകൃത്താണ് സംഗീത. വർഷങ്ങളായി സീരിയലുകളിൽ കാണാറില്ലെങ്കിലും സംഗീതയെ ഇന്നും പ്രേക്ഷകർ മറന്നിട്ടില്ല. തനിക്ക് മറക്കാനാകാത്ത ഒരു ആരാധകനെക്കുറിച്ച് മനസു സംസാരിക്കുകയാണ് ഇപ്പോൾ സംഗീത.
കല്യാണം കഴിക്കണമെന്ന് പറഞ്ഞ് കുറേ നാൾ അയാൾ പിറകെ നടന്നിരുന്നെന്ന് സംഗീത ഓർക്കുന്നുണ്ട്. എനിക്കിപ്പോഴും ഓർമയുണ്ട്. അതിന് ശേഷം കുറേ നാൾ കഴിഞ്ഞ് കോൺടാക്ടൊക്കെ പോയപ്പോൾ വെറുതെ ഒരു കൗതുകത്തിന് അയാളെ കണ്ടെത്താൻ ശ്രമിച്ചു. ഒരു സൗഹൃദം നിലനിർത്താൻ വേണ്ടി മാത്രം. ഞാൻ അന്വേഷിച്ച് നോക്കിയെങ്കിലും എനിക്ക് ഒരു രീതിയിലും കോൺടാക്ട് ചെയ്യാൻ പറ്റിയില്ല.നമ്പറും കിട്ടിയില്ല. പഴയ നമ്പർ ഏകദേശം എന്റെ മനസിൽ ഉണ്ടായിരുന്നു. അത് മറന്നും പോയി. നിങ്ങൾ എവിടെയെങ്കിലും ഉണ്ടെങ്കിൽ എന്നെ കമ്മ്യൂണിക്കേറ്റ് ചെയ്യണം. പ്രദീപ് എന്നാണ് പേരെന്നും സംഗീത മോഹൻ പറഞ്ഞു. തന്റെ മറ്റ് ചില ആരാധകരെക്കുറിച്ചും സംഗീത മോഹൻ സംസാരിച്ചു. ഒരാൾ ഇപ്പോഴും ഞാനുമായി ടച്ചിലുണ്ട്.
15 വർഷങ്ങളാേളമായി. രാവിലെ ഗുഡ് മോണിംഗും വെെകീട്ട് ഗുഡ് നെെറ്റും അയക്കും. അവസാനം ഞാൻ ആ നമ്പർ സേവ് ചെയ്ത് വെച്ചു. നാല് നേരം ഗുളിക കഴിക്കുന്നത് പോലെയായി. ഒരു ദിവസം എന്നെ വിളിച്ചു. പേരെന്താണെന്ന് ചോദിച്ചു. സഞ്ജു എന്ന് പറഞ്ഞു. പക്ഷെ ഇതുവരെ ശല്യപ്പെടുത്തിയിട്ടില്ല. വെറുതെ വിളിയും പറച്ചിലും ഒന്നുമില്ല. ഗുഡ് മോണിംഗും ഗുഡ് നെെറ്റും മാത്രം. ഓർക്കുന്നുണ്ട് എന്നറിയിക്കാൻ മാത്രമാണെന്നും സംഗീത മോഹൻ കൂട്ടിച്ചേർത്തു.
