അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കൽപ്പറ്റ: വയനാട്ടിൽ നിർമ്മാണം നടക്കുന്ന വീടിന്റെ ടെറസിൽ കത്തിക്കരിഞ്ഞ നിലയിൽ മൃതദേഹം കണ്ടെത്തി.
കമ്പളക്കാട് ഒന്നാം മൈൽ റോഡിലാണ് സംഭവം. അന്യസംസ്ഥാന തൊഴിലാളിയുടെ മൃതദേഹം എന്നാണ് പ്രാഥമിക നിഗമനം. ആത്മഹത്യയാണെന്ന് സംശയിക്കുന്നത്.
കത്തിക്കരിഞ്ഞ നിലയിലാണ് മൃതദേഹം കണ്ടെത്തിയത്. മൃതദേഹത്തിന്റെ രണ്ടുകാലും വയർ ഉപയോഗിച്ച് ബന്ധിച്ച നിലയിലാണുള്ളത്. പെട്രോൾ കൊണ്ടുവന്ന കുപ്പിയും ബാഗും മദ്യക്കുപ്പിയും സ്ഥലത്ത് നിന്ന് കണ്ടെടുത്തു.
കമ്പളക്കാട് പൊലീസ് സ്ഥലത്തെത്തി ഇൻക്വസ്റ്റ് നടപടികൾ ആരംഭിച്ചു. ഫോറൻസിക് വിദഗ്ധരടക്കം സ്ഥലത്തെത്തി പരിശോധന നടത്തും.
