അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.പേരാമ്പ്രയിൽ വടകരയിലെ കോൺഗ്രസ് എം.പി ഷാഫി പറമ്പിൽ മർദ്ദനത്തിന് ഇരയായ സംഭവത്തിൽ കേന്ദ്ര ആഭ്യന്തര മന്ത്രാലയത്തിൽ നിന്ന് റിപ്പോർട്ട് തേടി ലോക്‌സഭാ സെക്രട്ടേറിയറ്റ്. സംഭവവുമായി ബന്ധപ്പെട്ട് കേരള സർക്കാരിൽ നിന്ന് വിവരം ശേഖരിച്ച് 15 ദിവസത്തിനുള്ളിൽ റിപ്പോർട്ട് നൽകണം.
സംഭവത്തെ തുടർന്ന് ഷാഫി പറമ്പിലും കൊടിക്കുന്നിൽ സുരേഷും ലോക്‌സഭാ സെക്രട്ടേറിയറ്റിന് കീഴിലെ പ്രിവിലേജ് കമ്മിറ്റിക്ക് പരാതി നൽകിയിരുന്നു.
പേരാമ്പ്ര സംഘര്‍ഷത്തില്‍ പൊലീസുകാർക്കെതിരെ നടപടി ആവശ്യപ്പെട്ടാണ് ഷാഫി പറമ്പിൽ എം പി. പരാതി നൽകിയത്. രണ്ട് ഡിവൈഎസ്പിമാരുടെ നേതൃത്വത്തിലുള്ള പൊലീസ് മർദിച്ചെന്നും റൂറൽ എസ് പി പരസ്യമായി സമ്മതിച്ച സാഹചര്യത്തിൽ പൊലീസുകാർക്കെതിരെ അടിയന്തര നടപടിയെടുക്കണമെന്ന് ആവശ്യപ്പെട്ടാണ് പരാതി നല്‍കിയത്.
