അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ശബരിമല സ്വർണക്കൊള്ള കേസിൽ മുൻ ദേവസ്വം പ്രസിഡന്റ് എൻ. വാസുവിൻ്റെ അറസ്റ്റിന് പിന്നാലെ പ്രത്യേക അന്വേഷണ സംഘം അന്വേഷണം കൂടുതൽ ഉന്നതങ്ങളിലേക്ക് വ്യാപിപ്പിച്ചു. 2019 കാലയളവിൽ ദേവസ്വം ബോർഡ് അധ്യക്ഷനായിരുന്ന എ. പത്മകുമാറിൻ്റെ പേരും പ്രതിപ്പട്ടികയിൽ രേഖപ്പെടുത്തിയിട്ടുണ്ട്.
അക്കാലയളവിലെ സെക്രട്ടറിമാർ, ഉദ്യോഗസ്ഥർ, മറ്റ് ജീവനക്കാർ എന്നിവരുടെ മൊഴികൾ അന്വേഷണ സംഘം വിശദമായി ശേഖരിക്കും. ഇതിനുശേഷം പത്മകുമാർ അടക്കമുള്ള ബോർഡ് അംഗങ്ങൾക്കെതിരെയുള്ള നടപടികളിലേക്ക് സംഘം കടക്കും. ഉന്നതർക്കെതിരെ നടപടിയെടുക്കുന്നതിനു മുമ്പായി, ചില ഇടനിലക്കാർ, പ്രതിപ്പട്ടികയിലുള്ള മറ്റ് ഉദ്യോഗസ്ഥർ എന്നിവരുടെ അറസ്റ്റിനും സാധ്യതയുണ്ട്.
