അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.മട്ടനായാലും ചിക്കനായാലും ബീഫായാലും ബിരിയാണി ഇഷ്ടമില്ലാത്തവർ കുറവാണ്. കടകളിൽ നിന്നും വാങ്ങുന്നതിലും വേറിട്ട രുചിയാണ് കല്യാണവീട്ടിലെ ബിരിയാണിയ്ക്ക്. പ്രത്യേക സ്വാദേന്ന് പറയാതെ വയ്യ. ഇതിന്റെ രുചിരഹസ്യം എന്തെന്ന് മിക്ക ഭക്ഷണപ്രേമികളും തിരക്കാറുണ്ട്. പാചകം എന്താണ് എന്ന് അറിയാത്തവർക്ക് പോലും ഇനി ബിരിയാണി തയാറാക്കാം, അതും കല്യാണ വീട്ടിലെ ബിരിയാണിയുടെ അതെ രുചിയിൽ.
ചേരുവകൾ
1ജീരകശാല അരി – 500ഗ്രാം
2) മട്ടൺ – 250ഗ്രാം
3) നെയ്യ് – 2 സ്പൂൺ
4) എണ്ണ – 50മില്ലി
5) പട്ട – 3 എണ്ണം
6) ഗ്രാമ്പു – 3 എണ്ണം
7) ഏലയ്ക്ക – 3 എണ്ണം
8) ബിരിയാണി ഇല – 2 എണ്ണം
9) ഇഞ്ചി – വെളുത്തുള്ളി പേസ്റ്റ് – 1 വലിയ സ്പൂൺ
10) സവാള – 3
11) തക്കാളി – 4
12) പച്ചമുളക് – 2
13) മുളക് പൊടി – 1 സ്പൂൺ
14) മഞ്ഞൾപ്പൊടി – 1/2സ്പൂൺ
15) മല്ലിപൊടി – 1 സ്പൂൺ
16) ബിരിയാണി മസാല – 1 സ്പൂൺ
17) ഉപ്പ് – 11/2 സ്പൂൺ
18) മല്ലിയില, പുതീന ഇല – 1 കൈ പിടി
19) തൈര് -3 സ്പൂൺ
20) നാരങ്ങ നീര് – 1 സ്പൂൺ
21) ചെറിയുള്ളി -10 എണ്ണം
തയാറാക്കുന്ന വിധം
2 കപ്പ്‌ ജീരകശാല അരി 20 മിനിറ്റ് നേരത്തേക്ക് കഴുകി വെള്ളത്തിൽ ഇട്ട് വയ്ക്കുക. ഒരു കുക്കറിൽ 250 ഗ്രാം മട്ടൺ, 1/2 സ്പൂൺ മുളകുപൊടി, 1/2സ്പൂൺ മല്ലിപൊടി, 1/2സ്പൂൺ ബിരിയാണി മസാല, 1/4 സ്പൂൺ ഉപ്പ്, തൈര് -2സ്പൂൺ ചേർത്ത് 3 വിസിൽ വരുന്ന വരെ വേവിക്കുക. ബിരിയാണി ചട്ടി ചൂടാക്കി അതിൽ നെയ്യും എണ്ണയും ചേർക്കുക, ഇതിലേക്ക് പട്ട, ഗ്രാമ്പു, ഏലയ്ക്കായ, ബിരിയാണി ഇല, ചെറിയ ഉള്ളി ചതച്ചതും ചേർത്ത് വഴറ്റുക. ഇതിൽ സവാള നീളത്തിൽ അരിഞ്ഞതും, അൽപം ഉപ്പും ചേർത്ത് 2 മിനിറ്റ് നേരത്തേക്ക് വഴറ്റുക. തക്കാളി -2 എണ്ണം അരിഞ്ഞത്, മല്ലി ഇല, പുതീന ഇല എന്നിവ ചേർത്ത് വീണ്ടും 2 മിനിറ്റ് നേരത്തേക്ക് വഴറ്റുക. തൈര്, നാരങ്ങാനീര്, രണ്ട് തക്കാളി അരച്ചെടുത്തതും ചേർക്കാം. മുളകുപൊടി, മഞ്ഞൾപ്പൊടി, മല്ലിപ്പൊടി, ഉപ്പ്, ബിരിയാണി മസാല എന്നിവ ചേർക്കാം. 2 കപ്പ്‌ അരിക്ക് 3 1/2 കപ്പ്‌ വെള്ളം ചേർത്ത് കൊടുക്കുക (1 :1 3/4) വെള്ളം തിളച്ചു വരുമ്പോൾ അതിൽ വേവിച്ച മട്ടൺ ചേർക്കുക, അരിയും ഇട്ട് 5 മിനിറ്റ് നേരത്തേക്ക് കൂടിയ തീയിൽ വേവിക്കുക• 5 മിനിറ്റ് നേരത്തേക്ക് ദം ചെയ്യുക. 10 മിനിറ്റിനു ശേഷം വിളംമ്പാം.
