അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കോഴിക്കോട്: കോഴിക്കോട് നഗരത്തിലെ ഫ്രീ ബേർഡ്സ് പുനരധിവാസ കേന്ദ്രത്തിൽ നിന്നു കാണാതായ മൂന്ന് പെൺകുട്ടികളെ താമരശേരിയിൽ നിന്ന് പൊലീസ് കണ്ടെത്തി.
11, 12, 13 വയസ്സുള്ള മൂന്നു കുട്ടികളാണ് കാണാതായത്. ഇവർ രാവിലെ പതിവുപോലെ സ്കൂളിലേക്കു പോയെങ്കിലും, സ്കൂളിലെത്തിയില്ലെന്ന വിവരം അധികൃതർക്ക് ലഭിച്ചതോടെയാണ് കസബ പൊലീസ് അന്വേഷണം ആരംഭിച്ചത്.
രണ്ട് പെൺകുട്ടികൾ നടക്കാവ് ഗേൾസ് ഹയർസെക്കൻഡറി സ്കൂളിലും, ഒരാൾ ചാലപ്പുറം സ്കൂളിലുമാണ് പഠിക്കുന്നത്. അന്വേഷണത്തിനിടെ, കുട്ടികൾ കൂട്ടത്തിലുള്ള ഒരാളുടെ വീട്ടിലേക്കാണ് പോയതെന്ന് പൊലീസ് കണ്ടെത്തി.
ആദ്യനിര അന്വേഷണത്തിൽ പരീക്ഷാഭയമാണ് കുട്ടികൾ വീട്ടിൽ നിന്നു പോകാൻ കാരണമായതെന്ന് അവർ വെളിപ്പെടുത്തി. “പരീക്ഷയെക്കുറിച്ചുള്ള ഭയവും ഉത്കണ്ഠയും മൂലമാണ് അവർ കേന്ദ്രം വിട്ടുപോയത്,” -പൊലീസ് പറഞ്ഞു.
കുട്ടികളെ ചൈൽഡ് വെൽഫെയർ കമ്മിറ്റിയുടെ മുന്നിൽ ഹാജരാക്കുമെന്ന് പൊലീസ് അറിയിച്ചു.
