അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.നാദാപുരം: മാഹിയിൽ നിന്ന് മൈസൂരുവിലേക്ക് ലോറിയിൽ കടത്തുകയായിരുന്ന വിദേശമദ്യം പൊലീസ് പിടികൂടി. ലോറി ഡ്രൈവറും മൈസൂർ സ്വദേശിയുമായ എം. അരുണ്‍ (37) നെയാണ് നാദാപുരം പൊലീസ് അറസ്റ്റ് ചെയ്തത്.
പെരിങ്ങത്തൂർ–നാദാപുരം സംസ്ഥാന പാതയിൽ രാത്രി നടത്തിയ വാഹന പരിശോധനയ്ക്കിടെയായിരുന്നു ഇയാൾ പിടിയിലായത്. പരിശോധനയിൽ ലോറിയിൽ സൂക്ഷിച്ചിരുന്നതായി 30 കുപ്പി വിദേശമദ്യം അധികൃതർ കണ്ടെത്തി.
മൈസൂരിലെ ഡിസ്റ്റിലറിയിൽ നിന്ന് മദ്യം മാഹിയിലേക്ക് എത്തിച്ച ശേഷം മൈസൂരിലേക്ക് മടങ്ങുന്നതിനിടെയായിരുന്നു പിടിയിലായത് എന്നാണ് പ്രാഥമിക വിവരം. പിടിച്ചെടുത്ത ലോറിയും മദ്യവും പൊലീസ് കസ്റ്റഡിയിൽ എടുത്തു.
സംഭവവുമായി ബന്ധപ്പെട്ട് നാദാപുരം പൊലീസ് അന്വേഷണം ആരംഭിച്ചിട്ടുണ്ട്.
അന്തർസംസ്ഥാന മദ്യക്കടത്തിന്റെ പിന്നിലുള്ള ശൃംഖലയെ കുറിച്ച് കൂടുതൽ വിവരങ്ങൾ പുറത്തുവരാനാണ് സാധ്യത.
