അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.രാജ്യം ആകാംഷയോടെ കാത്തിരിക്കുന്ന ബിഹാർ നിയമസഭാ തിരഞ്ഞെടുപ്പ് ഫലം ഇന്ന് പുറത്തുവരുന്ന സാഹചര്യത്തിൽ, ക്രമസമാധാനം ഉറപ്പാക്കാൻ ജില്ലാ ഭരണകൂടം കർശന നടപടികൾ സ്വീകരിച്ചു.
തിരഞ്ഞെടുപ്പ് ഫലത്തിന് ശേഷം ആഹ്ലാദപ്രകടനങ്ങൾക്കും നിരത്തുകൾ കൈയ്യേറിയുള്ള എല്ലാ ആഘോഷങ്ങൾക്കും ജില്ലാ ഭരണകൂടം നിരോധനം ഏർപ്പെടുത്തി.
ഈ മാസം 16 വരെ പട്‌ന നഗരത്തിൽ നിരോധനാജ്ഞ (നിരോധന ഉത്തരവ്) തുടരുമെന്ന് ജില്ലാ ഭരണകൂടം അറിയിച്ചു.രാവിലെ 8 മണി മുതലാണ് വോട്ടെണ്ണൽ. 10 മണിയോടെ ആദ്യ ട്രെൻഡുകൾ വ്യക്തമാവുകയും ചെയ്യും.
പുറത്തുവന്ന എക്‌സിറ്റ് പോൾ ഫലങ്ങളെല്ലാം സംസ്ഥാനത്ത് എൻഡിഎ (നാഷണൽ ഡെമോക്രാറ്റിക് അലയൻസ്) മുന്നണിക്ക് മഹാഭൂരിപക്ഷത്തോടെ ഭരണം തുടരുമെന്നാണ് സൂചിപ്പിക്കുന്നത്.
ഒരു സർവേ ഫലവും ആർജെഡിയും കോൺഗ്രസും ഉൾപ്പെട്ട മഹാസഖ്യത്തിന് കേവലഭൂരിപക്ഷം പ്രവചിച്ചിട്ടില്ല എന്നതും ശ്രദ്ധേയമാണ്.
ആർജെഡി ഏറ്റവും വലിയ ഒറ്റക്കക്ഷിയാകുമെന്ന് ചില സർവേ ഫലങ്ങൾ സൂചിപ്പിക്കുന്നുണ്ടെങ്കിലും, മഹാസഖ്യത്തിന് ഭരണം ലഭിക്കുമെന്ന് ആരും പ്രവചിക്കുന്നില്ല.
