അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.അഞ്ചൽ: ഏരൂർ-പത്തടി പ്രദേശത്ത് കെഎസ്ഇബിയുടെ ട്രാൻസ്ഫോമറിന് മുകളിൽ കയറി യുവാവ് മണിക്കൂറുകളോളം ആശങ്ക പരാതി. വൈദ്യുതി വിതരണം അടിയന്തരമായി വിച്ഛേദിച്ചതാണ് വലിയ അപകടം ഒഴിവാക്കിയത്. നാട്ടുകാരും രക്ഷാപ്രവർത്തനത്തിനെത്തിയ പൊലീസും ചേർന്നാണ് യുവാവിനെ സുരക്ഷിതമായി താഴേക്ക് കൊണ്ടുവന്നത്.
ഇന്നലെ വൈകുന്നേരമായിരുന്നു സംഭവം. യുവാവ് മദ്യലഹരിയിലായിരുന്നുവെന്ന് പൊലീസ് പറഞ്ഞു. പത്തടി കാഞ്ഞുവയൽ സ്വദേശിയായ യുവാവ് ട്രാൻസ്ഫോമറിന്മീതെ ഇരുന്ന നിലയിൽ നാട്ടുകാരുടെ അഭ്യർത്ഥനകൾക്കും പൊലീസിന്റെയും പഞ്ചായത്തംഗങ്ങളുടെയും ഇടപെടലുകൾക്കും വഴങ്ങാതെ ഇറങ്ങാൻ കുട്ടാക്കിയില്ല.
കെഎസ്ഇബി ഉദ്യോഗസ്ഥർ ഉടൻ വൈദ്യുതി ലൈനുകൾ ഓഫ് ചെയ്തു. പിന്നാലെ നാട്ടിലെ യുവാക്കൾ ചേർന്ന് നടത്തിയ ശ്രമത്തിലൂടെയാണ് ഇയാളെ താഴെ ഇറക്കാൻ കഴിഞ്ഞത്. തുടർന്ന് മാതാവിനൊപ്പം വീട്ടിലേക്ക് അയച്ചു.
മുമ്പും ഇയാൾ വൈദ്യുതി ലൈനിൽ കയറി ഗുരുതരമായ പൊള്ളലേറ്റിട്ടുണ്ടെന്നും ദീർഘകാല ചികിത്സയ്ക്കുശേഷമാണ് സുഖം പ്രാപിച്ചതെന്നും നാട്ടുകാർ പറയുന്നു. സംഭവത്തിന്റെ പശ്ചാത്തലത്തിൽ പ്രദേശത്ത് ഏകദേശം നാല് മണിക്കൂർ വൈദ്യുതി വിതരണം നിലച്ചിരുന്നു.
