അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കോഴിക്കോട്: നാദാപുരത്ത് വിദ്യാർത്ഥികൾ തമ്മിലുണ്ടായ വൻ കൂട്ടത്തല്ല് പ്രദേശത്ത് ആശങ്ക സൃഷ്ടിച്ചു. ഏകദേശം നൂറോളം വിദ്യാർത്ഥികളാണ് കഴിഞ്ഞ രാത്രി പരസ്പരം ഏറ്റുമുട്ടിയത്. പേരോട് സ്കൂളിലെ രണ്ടു ഗ്രൂപ്പുകൾ തമ്മിലുള്ള കുടിപ്പകയാണ് സംഘർഷത്തിന് കാരണമെന്ന് ലഭിക്കുന്ന വിവരം.
അപ്രതീക്ഷിതമായി വൻ സംഘർഷത്തിലേക്ക് വളർന്ന സാഹചര്യത്തിൽ ഇടപെട്ട പൊലീസിന് വിദ്യാർത്ഥികളെ നിയന്ത്രിക്കാൻ ലാത്തിവീശേണ്ടി വന്നു. സ്കൂളിൽ പഠനം പൂർത്തിയാക്കി പുറത്തുപോയ മുൻ വിദ്യാർത്ഥികളും തല്ലിൽ പങ്കാളികളായതായി പൊലീസ് അന്വേഷണത്തിൽ കണ്ടെത്തിയിട്ടുണ്ട്.
യുവാക്കളുടെ തമ്മിലുള്ള വൈരാഗ്യം കഴിഞ്ഞ ദിവസവും കളിസ്ഥലത്ത് തർക്കമായി മാറിയിരുന്നു. അതിന്റെ തുടർച്ചയായിരിക്കാം ഇപ്പോഴത്തെ അക്രമമെന്നും പൊലീസ് പറഞ്ഞു. സംഭവത്തെ കുറിച്ച് കൂടുതൽ അന്വേഷണം നടക്കുകയാണ്.
