അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.തളിപ്പറമ്പ്: കരാട്ടെ പരിശീലനം നേടാനെത്തിയ പതിനാലുകാരിയെ പീഡിപ്പിക്കാൻ ശ്രമിച്ചുവെന്ന പരാതിയിൽ പരിശീലകനെതിരെ പൊലീസ് കേസ് രജിസ്റ്റർ ചെയ്തു. മൊറാഴ സ്വദേശിയായ ടി. കെ. പ്രസന്നനെതിരെയാണ് തളിപ്പറമ്പ് പൊലീസ് കേസ് രജിസ്റ്റർ ചെയ്തത്.
തളിപ്പറമ്പ് പൊലീസ് സ്റ്റേഷൻ പരിധിയിൽ താമസിക്കുന്ന വിദ്യാർത്ഥിയാണ് സംഭവത്തെ കുറിച്ച് പരാതി നൽകിയിരിക്കുന്നത്. കഴിഞ്ഞ ജനുവരിയിൽ വെള്ളിക്കീൽ പാർക്കിലാണ് പരിശീലകൻ ഉപദ്രവിക്കാൻ ശ്രമിച്ചതായി പരാതി വ്യക്തമാക്കുന്നു.
പരാതിയുടെ അടിസ്ഥാനത്തിൽ പൊലീസ് നടപടികൾ ആരംഭിച്ചിട്ടുണ്ട്, സംഭവത്തെക്കുറിച്ച് കൂടുതൽ അന്വേഷണം പുരോഗമിക്കുകയാണ്.
