അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഗൂഡല്ലൂർ: തമിഴ്‌നാട് ഹോർട്ടികൾചറൽ വകുപ്പിന്റെ നാടുകാണി പൊന്നൂരിലെ ഫാമിൽ പഴയ കെട്ടിടം ഇടിഞ്ഞുവീണ് മൂന്ന് വനിതാ തൊഴിലാളികൾക്ക് പരുക്കേറ്റു. കെട്ടിടത്തിന് സമീപം കാട് വെട്ടുന്നതിനിടെയാണ് അപകടം സംഭവിച്ചത്.
മലർവിഴി (45), കാഞ്ചന (55), ചന്ദ്രമതി (57) എന്നിവർക്കാണ് പരുക്ക് പറ്റിയത്. ഇടിഞ്ഞുവീണ കെട്ടിടത്തിന്റെ അവശിഷ്ടങ്ങൾക്കിടയിൽ നിന്ന് സഹതൊഴിലാളികൾ തന്നെ ഇവരെ പുറത്തെടുത്തു. തുടർന്ന് ഊട്ടി മെഡിക്കൽ കോളജിലേക്ക് മാറ്റി.
ഏകദേശം 45 വർഷം പഴക്കമുള്ള പഴയ കെട്ടിടമാണ് താറുമാറായത്. അപകടത്തിൽപ്പെട്ട മേഖലയിലെ സുരക്ഷാപ്രവർത്തനങ്ങൾ ശക്തമാക്കിയതായി ഫാം അധികൃതർ അറിയിച്ചു. സംഭവത്തെക്കുറിച്ച് അന്വേഷണം പുരോഗമിക്കുകയാണ്.
