അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മ്യൂണിച്ച്‌ (ജർമ്മനി): പലസ്തീൻ രാഷ്ട്രം സ്ഥാപിക്കപ്പെടേണ്ടത് അടിയന്തരമായ ആവശ്യമാണെന്ന് യു.എസ്. സ്റ്റേറ്റ് സെക്രട്ടറി ആന്റണി ബ്ലിങ്കൻ.മ്യൂണിച്ച്‌ സെക്യൂരിറ്റി കോണ്‍ഫറൻസില്‍ സംസാരിക്കുകയായിരുന്നു അദ്ദേഹം. ഇസ്രയേലുമായുള്ള ബന്ധം സാധാരണ നിലയിലാക്കാൻ അറബ് രാജ്യങ്ങള്‍ സന്നദ്ധരാണെന്നും അദ്ദേഹം പറഞ്ഞു.
‘പലസ്തീൻ രാഷ്ട്രം സ്ഥാപിക്കപ്പെടേണ്ടത് അടിയന്തരമായ ആവശ്യമാണ്. അതുവഴി ഇസ്രയേലിന്റെ സുരക്ഷ ഉറപ്പാക്കാൻ കഴിയും. ഇസ്രയേലിന് പശ്ചിമേഷ്യയുമായി ഇഴുകിച്ചേരാനുള്ള ‘അസാധാരണമായ അവസരം’ സമീപഭാവിയില്‍ ഉണ്ടാകും. ഇസ്രയേലുമായുള്ള ബന്ധം സാധാരണനിലയിലാക്കാൻ അറബ് രാജ്യങ്ങള്‍ സന്നദ്ധരാണ്.’ -ആന്റണി ബ്ലിങ്കൻ പറഞ്ഞു.
ജറുസലേം തലസ്ഥാനമായി രാഷ്ട്രം സ്ഥാപിക്കാൻ പലസ്തീന് എല്ലാ അവകാശവുമുണ്ടെന്ന് ആഫ്രിക്കൻ യൂണിയൻ ചെയർപേഴ്സണ്‍ അസാലി അസൗമാനി പറഞ്ഞു. എത്യോപ്യയിലെ അഡിസ് അബെബയില്‍ നടക്കുന്ന ആഫ്രിക്കൻ യൂണിയൻ ഉച്ചകോടിയിലാണ് തെക്കുകിഴക്കൻ ആഫ്രിക്കയിലെ ദ്വീപുരാഷ്ട്രമായ കൊമോറസിന്റെ പ്രസിഡന്റ് കൂടിയായ അസാലി അസൗമാനി ഇക്കാര്യം പറഞ്ഞത്.
Read more :
- ഛത്തീസ്ഗഢിൽ പുക ശ്വസിച്ച് മലയാളി ദമ്പതികൾക്ക് ദാരുണാന്ത്യം
- കൊച്ചിയിൽ പ്രായപൂര്‍ത്തിയാകാത്ത പെണ്‍കുട്ടിയ പീഡിപ്പിച്ച പ്രതിക്ക് 27 വര്‍ഷം തടവ് വിധിച്ച്‌ കോടതി
- തൃശൂർ കുന്നംകുളത്ത് സപ്ലൈകോ ഗോഡൗണില്‍ തീപ്പിടിത്തം : ഭക്ഷ്യധാന്യങ്ങള്‍ കത്തിനശിച്ചു
- ‘സീതയെ’ ‘ അക്ബറി’ നൊപ്പം താമസിപ്പിക്കുന്നത് ഹിന്ദുത്വത്തെ അപമാനിക്കുന്നതിന് തുല്യം:വനം വകുപ്പിനെതിരെ വി.എച്ച്.പി
- കാൻസറിന് കാരണമാകുന്ന രാസവസ്തുക്കളുടെ സാന്നിധ്യം കണ്ടെത്തിയതിനാൽ തമിഴ്‌നാട്ടിലും പഞ്ഞിമിഠായിക്ക് നിരോധനം
അതേസമയം ഗാസയില്‍ ഇസ്രയേല്‍ നടത്തുന്ന ആക്രമണം തുടരുകയാണ്. മധ്യ ഗാസയിലെ ദേർ അല്‍-ബലാഹില്‍ കനത്ത വ്യോമാക്രമണമാണ് ശനിയാഴ്ച ഇസ്രയേല്‍ നടത്തിയത്. റാഫയില്‍ നിന്ന് പലസ്തീനികള്‍ ദേർ അല്‍-ബലാഹിലേക്ക് തിരിച്ചുവരുന്നതിനിടെയാണ് ഇസ്രയേലിന്റെ ആക്രമണം.
ഞെട്ടിക്കുന്ന ചില കണക്കുകള്‍ പാലസ്തീൻ സർക്കാർ ശനിയാഴ്ച പുറത്തുവിട്ടിട്ടുണ്ട്. ഗാസയിലെ ഗുരുതരമായി പരിക്കേറ്റ 11,000 പേർക്കെങ്കിലും വിദേശത്ത് അടിയന്തര ചികിത്സ ആവശ്യമാണെന്ന് സർക്കാരിന്റെ മീഡിയാ ഓഫീസ് അറിയിച്ചു. കൂട്ടപ്പലായനത്തെ തുടർന്ന് ഗാസയിലെ ഏഴ് ലക്ഷം പേർക്ക് പകർച്ചവ്യാധികള്‍ ബാധിച്ചിട്ടുണ്ട്. വൃത്തി ഹീനമായ സാഹചര്യമായതിനാല്‍ 60,000 ഗർഭിണികള്‍ ആരോഗ്യപരമായ ഭീഷണികള്‍ നേരിടുന്നുണ്ട്. മാറാരോഗങ്ങള്‍ ബാധിച്ച മൂന്നരലക്ഷം പേർക്ക് ആവശ്യമായ മരുന്ന് ലഭിക്കുന്നില്ല. 10,000 കാൻസർ രോഗികള്‍ ചികിത്സ കിട്ടാതെ മരണത്തിന്റെ വക്കിലാണെന്നും മീഡിയാ ഓഫീസ് അറിയിച്ചു.
