പുല്പ്പള്ളി: വയനാട്ടില് കാട്ടാനയുടെ ആക്രമണത്തില് വിദ്യാർഥിക്ക് ഗുരുതര പരിക്ക്. പുല്പ്പള്ളി പാക്കം കാരേരിക്കുന്ന് കോളനിയിലെ ശരത്തിനാണ് പരിക്കേറ്റത്.ഗുരുതര പരിക്കേറ്റ ശരത്തിനെ കോഴിക്കോട് മെഡിക്കല് കോളജ് ആശുപത്രിയില് പ്രവേശിപ്പിച്ചു. വിദ്യാർഥി അപകടനില തരണം ചെയ്തിട്ടില്ലെന്നാണ് ലഭിക്കുന്ന വിവരം. വിജയൻ -കമലാക്ഷി ദമ്ബതികളുടെ മകനാണ് 14കാരനായ ശരത്.