അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചെന്നൈ: ദളിത് വിദ്യാർത്ഥിയെ മൂത്രം കുടിപ്പിച്ച സംഭവത്തില്‍ രണ്ട് സഹപാഠികള്‍ക്കെതിരെ നടപടിയുമായി തിരുച്ചിറപ്പളളി തമിഴ്നാട് ദേശീയ നിയമ സർവ്വകലാശാല.അവസാന വർഷ ബിരുദ വിദ്യാർത്ഥികളായ രണ്ട് പേരെ ഒരു വർഷത്തേക്ക് വിലക്കിയതായി സർവ്വകലാശാല അറിയിച്ചു. അധ്യാപക സമിതിയുടെ റിപ്പോർട്ടിന്റെ അടിസ്ഥാനത്തിലാണ് നടപടി. ഇരുവരെയും സെമസ്റ്റർ പരീക്ഷ എഴുതാൻ അനുവദിക്കില്ലെന്നും രജിസ്ട്രാർ വ്യക്തമാക്കി.
ഈ മാസം ആറിനാണ് മൂത്രം കലർത്തിയ ശീതളപാനീയം കടലൂർ സ്വദേശിയായ വിദ്യാർത്ഥിക്ക് നല്‍കിയത്. അടുത്ത ദിവസം ക്ലാസ്സില്‍ വച്ച്‌ കളിയാക്കിയപ്പോഴാണ് വിദ്യാർത്ഥി ഇക്കാര്യം അറിയുന്നത്. വിദ്യാർത്ഥി ആദ്യം നല്‍കിയ പരാതി പിൻവലിച്ചെങ്കിലും സർവ്വകലാശാല സമിതി അന്വേഷണവുമായി മുന്നോട്ട് പോവുകയായിരുന്നു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
