അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബെയ്ജിങ്: ചൈനയിലെ ബോർഡിങ് സ്കൂൾ ഡോർമിറ്ററിയിലുണ്ടായ അഗ്‌നിബാധയിൽ 13 വിദ്യാർഥികൾ വെന്തുമരിച്ചു. ഹെനാൻ പ്രവിശ്യയിലെ യിങ്‌കായ് സ്കൂളിലാണ് സംഭവമുണ്ടായത്. വെള്ളിയാഴ്ച രാത്രി 11 മണിയോടെയാണ് സ്കൂൾ ഡോർമിറ്ററിക്ക് തീപിടിച്ചതായി പ്രാദേശിക അഗ്‌നിരക്ഷാ ഓഫിസിൽ വിവരം ലഭിച്ചതെന്ന് രാജ്യാന്തര മാധ്യമങ്ങൾ റിപ്പോർട്ട് ചെയ്തു.
ഉടൻതന്നെ സ്ഥലത്തെത്തിയ അഗ്‌നിരക്ഷാ യൂണിറ്റുകളും സുരക്ഷാ ജീവനക്കാരും ചേർന്ന് അരമണിക്കൂറിനുള്ളിൽ തീയണച്ചു. തീപിടിത്തവുമായി ബന്ധപ്പെട്ട് സ്കൂളിന്റെ മാനേജരെ പൊലീസ് കസ്റ്റഡിയിലെടുത്ത് ചോദ്യം ചെയ്തുവെന്നാണ് അറിയാൻ കഴിഞ്ഞത് .
