അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മുംബൈയിലെ ബാർബിക്യു നേഷനിൽ നിന്ന് വാങ്ങിയ വെജ് മീൽ ബോക്‌സിൽ നിന്ന് ചത്ത എലിയെ കിട്ടിയെന്ന് യുവാവിന്റെ പരാതി. പ്രയാഗ്‌രാജ് സ്വദേശിയായ രാജീവ് ശുക്ലയാണ് എക്‌സിലൂടെ പരാതിയുമായി രംഗത്ത് എത്തിയത്.
ജനുവരി 8 നാണ് രാജീവ് മുംബൈയിൽ എത്തിയത്. താൻ ഒരു വെജിറ്റേറിയൻ ആയതിനാൽ ബാർബിക്യു നേഷന്റെ വാർലി ഔട്ട്ലെറ്റിൽ നിന്ന് ഒരു വെജ് മീൽ ബോക്‌സ് ഓർഡർ ചെയ്തു. എന്നാൽ, ഭക്ഷണത്തിൽ ചത്ത എലിയെ കണ്ടതോടെ താൻ ഞെട്ടിപോയെന്നും രാജീവ് പറഞ്ഞു.
ഈ ഭക്ഷണം കഴിച്ചതിനെ തുടർന്ന് 75 മണിക്കൂറിലധികം താൻ ആശുപത്രിയിൽ കിടന്നെന്നും സംഭവവുമായി ബന്ധപ്പെട്ട് നാഗ്പാഡ പോലീസ് സ്റ്റേഷനിൽ പരാതി നൽകിയെങ്കിലും കേസ് എടുത്തില്ലെന്നും രാജീവ് ശുക്ല ആരോപിച്ചു.
