അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മുംബൈ: ഓസ്‌ട്രേലിയന്‍ വനിതാ ടീമിനെതിരായ ടി20 പരമ്ബരയിലെ ആദ്യ പോരില്‍ ഇന്ത്യക്ക് 142 റണ്‍സ് വിജയ ലക്ഷ്യം. ആദ്യം ബാറ്റ് ചെയ്ത ഓസ്‌ട്രേലിയ 19.2 ഓവറില്‍ 141 റണ്‍സിന് എല്ലാവരും പുറത്തായി.
നാല് വിക്കറ്റുകള്‍ വീഴ്ത്തിയ ടിറ്റാസ് സാധുവിന്റെ മികച്ച ബൗളിങാണ് ഓസീസിനെ തകര്‍ത്തത്. ശ്രേയങ്ക പാട്ടീല്‍, ദീപ്തി ശര്‍മ എന്നിവര്‍ രണ്ട് വിക്കറ്റുകളും സ്വന്തമാക്കി. ശേഷിച്ച രണ്ട് വിക്കറ്റുകള്‍ രേണുക സിങ്, അമന്‍ജോത് കൗര്‍ എന്നിവര്‍ പങ്കിട്ടു.
ഓസീസ് നിരയില്‍ ഫൊയ്ബ് ലിച്ഫീല്‍ഡ് 49 റണ്‍സെടുത്ത് ടോപ് സ്‌കോററായി. എല്ലിസ് പെറി 37 റണ്‍സ് കണ്ടെത്തി. ബെത് മൂണി (17), അന്നബെല്‍ സതര്‍ലാന്‍ഡ് (12) എന്നിവരാണ് രണ്ടക്കം കടന്ന മറ്റ് രണ്ട് പേർ.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
