അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അലു എന്റർടൈൻമെന്റ്സിന്റെ ബാനറിൽ ലിനു ശ്രീനിവാസ് നിർമ്മിച്ച്, അനീഷ് അൻവർ സംവിധാനം ചെയ്യുന്ന ‘രാസ്ത’ പ്രദർശനത്തിനെത്തുന്നു.
സർജാനോ ഖാലിദ്, അനഘ നാരായണൻ, ആരാധ്യ ആൻ, സുധീഷ്, ഇർഷാദ് അലി, ടി.ജി. രവി തുടങ്ങിയവർക്കൊപ്പം ഒമാനി അഭിനേതാക്കളായ ഖാമിസ് അൽ റവാഹി , ഫഖ്‌റിയ ഖാമിസ് അൽ അജ്മി, ഷമ്മ സൈദ് അൽ ബർക്കി എന്നിവരും ഒമാനിൽ നിന്നുള്ള മറ്റു നിരവധി താരങ്ങളും ഈ ഇന്ത്യോ-ഒമാൻ ചിത്രത്തിൽ ഭാഗമാകുന്നുണ്ട്‌.
സക്കറിയയുടെ ഗർഭിണികൾ, കുമ്പസാരം, ഗ്രാൻഡ് ഫാദർ എന്നീ ചിത്രങ്ങക്കു ശേഷം അനീഷ് അൻവർ സംവിധാനം ചെയ്യുന്ന ചിത്രമാണ് ‘രാസ്ത’. ‘സക്കറിയയുടെ ഗർഭിണികൾ’ എന്ന ചിത്രത്തിന് 2013-ൽ നാല് സംസ്ഥാന അവാർഡുകൾ കരസ്ഥമാക്കിട്ടുണ്ട്.
ഇരുന്നൂറിലധികം പരസ്യചിത്രങ്ങൾ ഒരുക്കിയ ആഡ് ഫിലിം മേക്കർ കൂടിയാണ് സംവിധായകൻ അനീഷ് അൻവർ. ഷാഹുൽ, ഫായിസ് മടക്കര എന്നിവരാണ് ‘രാസ്തയുടെ’ കഥ, തിരക്കഥ, സംഭാഷണം എന്നിവ എഴുതുന്നത്.
ചലച്ചിത്ര സാങ്കേതിക വിദഗ്ദ്ധരും ഒമാനിലെ പ്രവാസികളും, തദ്ദേശീയരും ഒരുപോലെ കൈകോർക്കുന്ന ചിത്രത്തിന്റെ ഛായാഗ്രഹണം വിഷ്ണു നാരായണൻ നിർവഹിക്കുന്നു.
ബി.കെ. ഹരിനാരായണൻ, വേണുഗോപാൽ ആർ., അൻവർ അലി എന്നിവരുടെ വരികൾക്ക് വിഷ്ണു മോഹൻ സിതാര സംഗീതം പകരുന്നു.
വിനീത് ശ്രീനിവാസൻ, അൽഫോൻസ്, സൂരജ് സന്തോഷ്‌ എന്നിവരാണ് ഗായകർ.
എഡിറ്റർ- അഫ്തർ അൻവർ, മേക്കപ്പ്- രാജേഷ് നെന്മാറ, സ്റ്റിൽസ്- പ്രേം ലാൽ പട്ടാഴി, കോസ്റ്യൂംസ് – ഷൈബി ജോസഫ്, ആർട്ട്‌- വേണു തോപ്പിൽ, പ്രൊജക്റ്റ്‌ ഡിസൈനർ- സുധാ ഷാ, ഫിനാൻഷ്യൽ കൺട്രോളർ- രാഹുൽ ആർ. ചേരാൽ, കളറിസ്റ്റ്- ലിജു പ്രഭാകർ, പ്രൊഡക്ഷൻ മാനേജർ- ഖാസിം മുഹമ്മദ് അൽ സുലൈമി, പ്രൊഡക്ഷൻ കൺട്രോളർ- ഹോച്ചിമിൻ കെ.സി., ഡിസൈൻ- കോളിൻസ് ലിയോഫിൽ.
മസ്കറ്റിലും ബിദിയയിലുമായി ചിത്രീകരണം പൂർത്തിയാക്കിയ ‘രാസ്ത’ മലയാളത്തിനു പുറമെ അറബിയിലും അവതരിപ്പിക്കുന്നു. വിതരണം-ഡ്രീം ബിഗ്, പി.ആർ.ഒ. -എ.എസ്. ദിനേശ്.
