അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തെന്നിന്ത്യൻ താരം അദിതി റാവു ഹൈദരിയും സിദ്ധാർത്ഥും ഡേറ്റിംഗിലാണെന്ന് നിരവധി റിപ്പോർട്ടുകളും അഭ്യൂഹങ്ങളും ഏറെ നാളായി പ്രചരിക്കുന്നുണ്ട്. എന്നാൽ ഇതുസംബന്ധിച്ച് ഇരുവരും ഒരു അഭിപ്രായവും തുറന്നു പറഞ്ഞിട്ടില്ല. അടുത്തിടെയായി ഇരുവരേയും ഒന്നിച്ചാണ് പലപരിപാടികളിലും കാണാറുള്ളത്. ഇപ്പോഴിതാ പുതുവത്സര ദിനത്തിൽ ഇരുവരും പങ്കുവെച്ചൊരു ചിത്രം സോഷ്യൽ മീഡിയയിൽ വൈറലാവുകയാണ്.
അദിതിയും സിദ്ധാർത്ഥും ഒരുമിച്ചാണ് 2024-നെ സ്വാഗതം ചെയ്തത്. ഇരുവരുടേയും ചിത്രം ആരാധകർ ഏറ്റെടുത്തിരിക്കുകയാണ്. ക്യൂട്ട് കപ്പിൾസ്, നിങ്ങൾ തമ്മിൽ ലവ് ആണോ, മനോഹരമായിരിക്കട്ടെ ഈ ബന്ധം തുടങ്ങിയ നിരവധി കമൻറുകളാണ് അദിതിയെയും സിദ്ധാർത്ഥിനെയും തേടി എത്തുന്നത്. 2021ൽ തെലുങ്ക് ചിത്രമായ മഹാ സമുദ്രത്തിൽ ഒരുമിച്ച് അഭിനയിച്ചതിന് ശേഷമാണ് ഇരുവരും തമ്മിൽ പ്രണയത്തിലാണെന്ന തരത്തിൽ വാർത്തകൾ വന്നത്.
അദിതിയുടെ ജന്മദിനത്തിൽ സിദ്ധാർത്ഥ് അതിഥിയ്ക്കായി ഒരു മനോഹര ജന്മദിന പോസ്റ്റ് പങ്കുവെച്ചിരുന്നു. ഇത് ഇരുവരും പ്രണയത്തിലാണെന്ന അഭ്യൂഹങ്ങൾ ഉറപ്പിക്കുന്ന വിധത്തിലുള്ളതായിരുന്നു. സിദ്ധാർത്ഥ് ഇപ്പോൾ ‘ടെസ്റ്റ്’ എന്ന ചിത്രത്തിന്റെ ഷൂട്ടിംഗിന്റെ തിരക്കിലാണ്. ‘ഗാന്ധി ടോക്സ്’, ‘ലയണസ്’ എന്നീ ചിത്രങ്ങളാണ് അദിതിയുടേതായി അണിയറയിൽ ഒരുങ്ങുന്നത്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
