അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സുരേഷ് ഗോപി നായകനാകുന്ന പുതിയ ചിത്രം ‘വരാഹം’ ടൈറ്റിൽ പോസ്റ്റർ പുറത്തിറക്കി. താരത്തിന്റെ കരിയറിലെ 257-ാമത്തെ ചിത്രമാണിത്.
സനൽ വി. ദേവൻ സംവിധാനം ചെയ്യുന്ന ചിത്രം മാവെറിക്ക് മൂവീസ് പ്രൈവറ്റ് ലിമിറ്റഡ്, സഞ്ജയ് പടിയൂർ എൻ്റർടെയിൻമെൻ്റ്സ് എന്നിവയുടെ ബാനറുകളിൽ വിനീത് ജയ്നും സഞ്ജയ് പടിയൂരുമാണ് നിർമ്മിക്കുന്നത്.
ഡിസംബർ 22-ന് അങ്കമാലിക്കടുത്ത് കാലടിയിൽ സിനിമയുടെ ചിത്രീകരണം ആരംഭിച്ചിരുന്നു. സുരേഷ് ഗോപിക്ക് പുറമേ സുരാജ് വെഞ്ഞാറമ്മൂടും ഗൗതം മേനോനും മുഖ്യ കഥാപാത്രങ്ങളെ അവതരിപ്പിക്കുന്ന ഈ ചിത്രത്തിൽ മലയാളത്തിലെ പ്രമുഖ താരങ്ങളും അണിനിരക്കുന്നുണ്ട്.
പൂർണ്ണമായും ത്രില്ലർ മൂഡിൽ അവതരിപ്പിക്കുന്ന ചിത്രത്തിൽ വൈവിധ്യമാർന്ന ഒരു കഥാപാത്രത്തെയാണ് സുരേഷ് ഗോപി അവതരിപ്പിക്കുന്നതെന്ന് അണിയറപ്രവർത്തകർ പറഞ്ഞു.
കഥ – ജിത്തു കെ. ജയൻ, മനു സി. കുമാർ, തിരക്കഥ – മനു.സി. കുമാർ, സംഗീതം -രാഹുൽ രാജ്, ഛായാഗ്രഹണം -അജയ് ഡേവിഡ് കാച്ചപ്പിളളി, എഡിറ്റിംഗ്‌ – മൻസൂർ മുത്തുട്ടി, കലാസംവിധാനം – സുനിൽ കെ. ജോർജ്, മേക്കപ്പ് – റോണക്സ് സേവ്യർ, കോസ്റ്റ്യൂം ഡിസൈൻ – നിസ്സാർ റഹ്മത്ത്, ചീഫ് അസ്സോസ്സിയേറ്റ് ഡയറക്ടർ -സ്യമന്തക് പ്രദീപ്, അസോസിയേറ്റ് ഡയറക്ടർ – പ്രേം പുതുപ്പള്ളി.
നിശ്ചല ഛായാഗ്രഹണം -നവീൻ മുരളി, ലൈൻ പ്രൊഡ്യൂസർ -ആര്യൻ സന്തോഷ്, കോ- പ്രൊഡ്യൂസർ – മനോജ് ശ്രീകാന്ത്, എക്സിക്യൂട്ടീവ് പ്രൊഡ്യൂസേർസ് – രാജാസിംഗ്, കൃഷ്ണകുമാർ, പ്രൊഡക്ഷൻ കൺട്രോളേഴ്സ് -പൗലോസ് കുറുമുറ്റം, ബിനു മുരളി, പ്രൊഡക്ഷൻ എക്സിക്യൂട്ടീവ് – അഭിലാഷ് പൈങ്ങോട്. കൊച്ചി, അങ്കമാലി, പാലക്കാട് എന്നിവിടങ്ങളിലായി ചിത്രീകരണം പൂർത്തിയാകും. പി.ആർ.ഒ- വാഴൂർ ജോസ്.
