അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലയാളികളുടെ പ്രിയനായകനാണ് ഉണ്ണി മുകുന്ദൻ. ഒരുപിടി ഹിറ്റ് ചിത്രങ്ങൾ സമ്മാനിച്ച് മലയാളികളുടെ മനസിലിടം നേടിയ താരം. 2022 ഡിസംബർ 31 നാണ് റിലീസ് ചെയ്തതെങ്കിലും ഉണ്ണിയുടെ മാളികപ്പുറം കഴിഞ്ഞ വർഷത്തെ സൂപ്പർ ഹിറ്റുകളിൽ ഒന്നായിരുന്നു.
രഞ്ജിത്ത് സംവിധാനം ചെയ്യുന്ന ജയ്ഗണേഷാണ് താരത്തിന്റെ ഏറ്റവും പുതിയ ചിത്രം. തന്റെ പ്രിയപ്പെട്ട ആരാധകർക്ക് പുതുവത്സര ആശംസകളുമായി എത്തിയിരിക്കുകയാണ് ഉണ്ണി മുകുന്ദൻ. സമൂഹമാദ്ധ്യമമായ ഇൻസ്റ്റഗ്രാമിലൂടെയായിരുന്നു താരം ആശംസകൾ അറിയിച്ചുകൊണ്ടുള്ള വീഡിയോ പങ്കുവച്ചത്.
‘വ്യക്തിപരമായി പറയുകയാണെങ്കിൽ എന്റെ കരിയറിലെ ഏറ്റവും മികച്ച വർഷമായിരുന്നു 2023. തൊഴിൽപരമായും വ്യക്തി ജീവിതത്തിലും മികച്ച വർഷമായിരുന്നു. 2024 ൽ എന്റെ പുതിയ ചിത്രമായ ജയ് ഗണേഷാണ് റിലീസാകാനിരിക്കുന്നത്. ഏപ്രിൽ 11 ന് ചിത്രം തീയേറ്ററുകളിലെത്തും.
വളരെ മികച്ചൊരു ചിത്രമായിരിക്കും ജയ്ഗണേഷ്. ഈ വർഷം എന്റേതായി പ്രഖ്യാപിച്ച മറ്റ് ചിത്രങ്ങളും പ്രദർശനത്തിനെത്തുന്നുണ്ട്. വെട്രിമാരനൊപ്പമുള്ള തമിഴ് സിനിമയടക്കം വരാനിരിക്കുകയാണ്. നമ്മളെല്ലാവർക്കും വളരെ നല്ലൊരു വർഷമായിരിക്കട്ടെ 2024. എല്ലാവർക്കും ഞാൻ നന്മകൾ ആശംസിക്കുന്നു. ഒപ്പം എല്ലാവർക്കും എന്റെ പുതുവത്സാരാശംസകൾ. എന്നായിരുന്നു ഉണ്ണി മുകുന്ദന്റെ വാക്കുകൾ.
