അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തടി കുറയ്ക്കാനും കൂട്ടുവാനും ഭക്ഷണ വസ്തുക്കള്‍ പ്രധാനപ്പെട്ടതാണ്. ചില പ്രത്യേക ഭക്ഷണ വസ്തുക്കള്‍ പ്രത്യേക രീതിയില്‍ കഴിച്ചാല്‍ തടി കൂടും, ചിലത് തടി കുറയ്ക്കും. കഴിയ്ക്കുന്ന രീതിയും കഴിയ്ക്കുന്ന സമയവുമെല്ലാം തന്നെ പ്രധാനമാണ്. തടി കുറയ്ക്കാന്‍ സഹായിക്കുന്ന, അതേ സമയം പൂര്‍ണ ആരോഗ്യം നല്‍കുന്ന ഒന്നാണ് മുട്ട. നമ്മുടെ ശരീരത്തിന് ആവശ്യമായ പല വൈറ്റമിനുകളും പോഷകങ്ങളും ഇതില്‍ അടങ്ങിയിട്ടുമുണ്ട്. തടി കുറയ്ക്കാന്‍ സഹായിക്കുന്ന ഭക്ഷണം കൂടിയാണ് മുട്ട. ഇത് എങ്ങനെയെന്നറിയൂ. ഇതിനായി ഇത് കഴിയ്‌ക്കേണ്ട സമയവും രീതിയുമെല്ലാമുണ്ട്. ഇത് എങ്ങനെയെന്നറിയൂ.
മുട്ടകളിൽ പ്രോട്ടീൻ, വിറ്റാമിൻ എ, വിറ്റാമിൻ ഡി, വിറ്റാമിൻ ഇ, വിറ്റാമിൻ ബി 12, ഫോളേറ്റ്, സെലിനിയം, ഇരുമ്പ്, റൈബോഫ്ലേവിൻ, കോളിൻ, ആന്റിഓക്‌സിഡന്റുകൾ, ല്യൂട്ടിൻ, സിയാക്‌സാന്തിൻ തുടങ്ങിയവ അടങ്ങിയിട്ടുണ്ട്.
തടി കുറയ്ക്കാന്‍
പേശികളുടെ വളർച്ച, തലച്ചോറിന്റെ പ്രവർത്തനം വർദ്ധിപ്പിക്കുക, ഹൃദ്രോഗ സാധ്യത കുറയ്ക്കുക, പേശികളുടെ അപചയം തടയുക തുടങ്ങിയ കാര്യങ്ങൾക്ക് ഈ പോഷകങ്ങൾ നമ്മെ സഹായിക്കുന്നു.മുട്ടകളിലെ പ്രോട്ടീനുകൾ ആഗിരണം ചെയ്യാൻ കൂടുതൽ സമയമെടുക്കുന്നു, ഇത് നമുക്ക് കുറെ നേരത്തേക്ക് വിശപ്പ് തോന്നാത്ത വിധം സംതൃപ്തി നൽകുന്നു.
മുട്ട തടി കുറയ്ക്കാന്‍ ശ്രമിയ്ക്കുന്നവരും ജിം ട്രെയിനിംഗ് ചെയ്യുന്നവരുമെല്ലാം കഴിയ്ക്കുന്ന പ്രധാനപ്പെട്ട ഭക്ഷണങ്ങളില്‍ ഒന്നാണ്. മുട്ട ഓംലറ്റായും പുഴുങ്ങിയും ബുള്‍സൈ ആയും പൊരിച്ചുമെല്ലാം കഴിയ്ക്കുന്നത് പതിവാണ്.
പോച്ച്ഡ് എഗ് മറ്റൊരു വഴിയാണ്. തിളച്ച വെള്ളത്തില്‍ മുട്ട പൊട്ടിച്ചൊഴിച്ച് വേവിച്ചെടുക്കുന്ന രീതിയാണിത്. ഇത് തടി കുറയ്ക്കാന്‍ നല്ലതാണ്. ഇതു പോലെ തന്നെ മുട്ട പുഴുങ്ങിക്കഴിയ്ക്കുന്നതും ഗുണം നല്‍കുന്ന രീതിയാണ്.
ആരോഗ്യകരമായ എണ്ണകളുടെ കൂട്ടത്തില്‍ പെടുത്താവുന്ന ഒന്നാണ് വെളിച്ചെണ്ണ. മുട്ട വെളിച്ചെണ്ണയില്‍ പാചകം ചെയ്യുന്നത് തടി കുറയ്ക്കാന്‍ സഹായിക്കുന്ന ഒന്നാണ്. തടി കുറയ്ക്കാന്‍ പിന്‍തുടരുന്ന കീറ്റോ ഡയററില്‍ പ്രധാനപ്പെട്ട ഒന്നാണ് വെളിച്ചെണ്ണ. ഇതിലെ കെറ്റോണുകൾ വിശപ്പു കുറയ്ക്കാനും ഇതിലൂടെ അമിത ഭക്ഷണം ഒഴിവാക്കാനും സഹായിക്കും.
ഓയില്‍ യാതൊന്നും തന്നെ ഉപയോഗിയ്ക്കാതെയുളള പാചക രീതി തന്നെയാണ് മുട്ടയുടെ കാര്യത്തിലും കൂടുതല്‍ നല്ലത്. എന്നാല്‍ എണ്ണ ചേര്‍ത്തുള്ള പാചകരീതിയെങ്കില്‍ വെളിച്ചെണ്ണയോ അല്ലെങ്കില്‍ ഒലീവ് ഓയിലോ ഉപയോഗിയ്ക്കാം. തടി കുറയ്ക്കാന്‍ ഇതേറെ നല്ലതാണ്.
പ്രാതലിന് കഴിയ്ക്കാവുന്ന, ഉള്‍പ്പെടുത്താവുന്ന പ്രധാനപ്പെട്ട ഭക്ഷണമാണ് മുട്ട. മുട്ട പ്രാതലിന് കഴിച്ചാല്‍ ഇത് തടിയും വയറും കുറയാന്‍ ഏറെ നല്ലതാണെന്നു പഠനങ്ങള്‍ തെളിയിച്ചിട്ടുള്ളതാണ്. ഇതൊരു സമീകൃതാഹാരം കൂടിയാണ്.
കലോറി ഏറെ കുറഞ്ഞ ഒരു ഭക്ഷണ വസ്തുവാണ് പുഴുങ്ങിയ മുട്ട. കലോറി ഏറെ കുറഞ്ഞ ഒരു ഭക്ഷണ വസ്തുവാണ് മുട്ട. ഇതാണ് പ്രാതലിന് മുട്ട ഉള്‍പ്പെടുത്തുവാന്‍ പറയുന്നതിന്റെ കാരണം. പെട്ടെന്നു വയറു നിറഞ്ഞതായി തോന്നും, അതേ സമയം, അമിത ഭക്ഷണവുമല്ല. മുട്ടയില്‍ 78 കലോറി മാത്രമാണ് അടങ്ങിയിട്ടുള്ളത്. അതേ സമയം ധാരാളം പോഷകങ്ങളും ഇതില്‍ അടങ്ങിയിട്ടുമുണ്ട്.
