അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മെഡിക്കൽ റിപ്പോർട്ടുകൾ അനുസരിച്ചു വൃക്ക രോഗികൾ കൂടി വരികയാണ്. ജീവിത ശൈലികൾ കൊണ്ടും, ഭക്ഷണ ശീലം കൊണ്ടും വൃക്ക രോഗങ്ങൾ ഉണ്ടാകുന്നു. വൃക്ക രോഗങ്ങളുടെ ലക്ഷണങ്ങൾ എന്തെല്ലാം?
കിഡ്‌നി
ഇതിന് പ്രധാന കാരണം പാരമ്പര്യമാണ്. ബിപി കൂടുതലായി നില്‍ക്കുന്നത്, പ്രമേഹ രോഗം എന്നിവയെല്ലാം ഇതിന്റെ കാരണങ്ങള്‍ തന്നെയാണ്. വൃക്കകളെ ബാധിയ്ക്കുന്ന ചില പ്രശ്‌നങ്ങള്‍, ഉദാഹരണത്തിന് തീപ്പൊള്ളലേല്‍ക്കുക, പാമ്പുകടിയേല്‍ക്കുക, കിഡ്‌നിയെ ബാധിയ്ക്കുന്ന ചില രോഗങ്ങള്‍ എന്നിവയെല്ലാം ഇതിന് കാരണമാണ്. മൂത്രത്തല്‍ പഴുപ്പ് അടിക്കടി വരിക, മൂത്രത്തിലെ കല്ല് വേണ്ട രീതിയില്‍ പരിഹരിയ്ക്കാതിരിയ്ക്കുക, ഇങ്ങനെ പലതരം കാരണങ്ങളാലും ഇതുണ്ടാകാം.
ബിപി
തുടക്കത്തില്‍ ഇത് വലിയ ലക്ഷണം കാണിയ്ക്കുന്നില്ല. എന്നാല്‍ രക്തപരിശോധന, ബിപി പരിശോധന എന്നിവയിലൂടെ ഇതിനുളള സാധ്യത കണ്ടെത്താം. ഉദാഹരണത്തിന് എന്തു പരിഹാരങ്ങള്‍ എടുത്തിട്ടും ബിപി വല്ലാതെ ഉയര്‍ന്ന് കുറയാതെ നില്‍ക്കുക, ഇതുപോലെ പ്രമേഹം നിയന്ത്രണത്തില്‍ അല്ലെങ്കില്‍ ഉയര്‍ന്ന് ബിപി അല്ലാതെ തന്നെ കിഡ്‌നിയില്‍ ക്രിയാറ്റിനിന്‍ വ്യത്യാസം ഉണ്ടാകാം. എന്നാല്‍ പ്രമേഹം നോര്‍മലായിട്ടും ബിപി വല്ലാതെ ഉയര്‍ന്ന് നില്‍ക്കുന്നത് കിഡ്‌നിയുടെ തകരാര്‍ സാധ്യതകള്‍ കാരണമാോയെന്ന് നോക്കണം. ഇതുപോലെ ക്രിയാറ്റിന്‍ അളവ് ശ്രദ്ധിയ്ക്കണം. ഇതിന് പല കാരണങ്ങളുമുണ്ട്. എന്നാല്‍ ഇത്തരം കാരണങ്ങള്‍ നിയന്ത്രിച്ചിട്ടും ക്രിയാറ്റിനിന്‍ കൂടുന്നുവെങ്കില്‍ ഇതിന് കാരണം വൃക്കരോഗം കാരണമാകാം. ഇതുപോലെ യൂറിയ ഏറെയാണെങ്കിലും ശ്രദ്ധിയ്ക്കണം.
അമിതമായുള്ള പത
മൂത്രത്തില്‍ അമിതമായി പത കാണുന്നതാണ് ഒരു ലക്ഷണം. വെള്ളം കുറഞ്ഞാലോ മൂത്രം ശക്തിയായി ഒഴിച്ചാലോ ഇത്തരത്തില്‍ പത വരാം. എന്നാല്‍ ഈ പത പൊട്ടിപ്പോകും. എന്നാല്‍ ഈ പത ഇവിടെത്തന്നെ കെട്ടി നില്‍ക്കുന്നുവെങ്കില്‍ ഇത് കിഡ്‌നി രോഗം കാരണമാണോയെന്ന് പരിശാേധിയ്ക്കാം. മൈക്രോ ആല്‍ബുമിന്‍ എന്ന പ്രോട്ടീനാണ് പതയായി മാറുന്നത്. ഇത് 120ല്‍ കൂടുതലെങ്കില്‍ ശ്രദ്ധ വേണം. മൂത്രത്തിന് ഒരു കലക്കല്‍ ലക്ഷണമുണ്ടെങ്കിലും ഇതിന് സാധ്യതയുണ്ടാകാം. ഇതുപോലെ ചിലപ്പോള്‍ മൂത്രത്തില്‍ രക്തം കാണാം.
പാദത്തില്‍ നീരു വരുന്നത്
പാദത്തില്‍ നീരു വരുന്നത് ഒരു കാരണമാണ്. പ്രത്യേകിച്ചും കാല്‍വണ്ണയില്‍ നീരു വരുന്നത്. മുഖത്ത് നീര്‍ക്കോള്‍ കാണാം. പകല്‍ ക്ഷീണമുണ്ടാകാം. ഇതെല്ലാം ശരീരത്തില്‍ ടോക്‌സിനുകള്‍ നില്‍ക്കുന്നതാണ് കാരണമായി പറയുന്നത്. അമിത ഉഷ്ണം, അല്‍പം നടക്കുമ്പോള്‍ കിതപ്പ്, ചര്‍മത്തിന് ചൊറിച്ചില്‍, വരണ്ട ചര്‍മം, ഇടയ്ക്കിടെ മൂത്രമൊഴിയ്ക്കണം എന്ന തോന്നല്‍ എന്നാല്‍ അല്‍പം മാത്രം മൂത്രം പോകുക എന്നതെല്ലാം ലക്ഷണമായി വരാം. രക്തത്തിലെ യൂറിയയാണ് ഈ തോന്നലിന് കാരണം. ഇത്തരം ലക്ഷണങ്ങള്‍ ഏതെങ്കിലുമെല്ലാം കാണുകയാണെങ്കില്‍ ഇതിന് കാരണം കണ്ടെത്താം. തുടക്കത്തിലേ കണ്ടെത്തിയാല്‍ വ്യായാമ, ഭക്ഷണ നിയന്ത്രണവും ചില മരുന്നുകളും കൊണ്ട് ഇത് കാര്യമായിത്തന്നെ നിയന്ത്രിച്ച് നിര്‍ത്താന്‍ സാധിയ്ക്കും.
read also തൈറോയ്ഡ് ഉള്ളവർ ശ്രദ്ധിക്കുക: ബ്രസീൽ നട്ട്സ് ശീലമാക്കൂ
