അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ആലപ്പുഴ : റെയിൽവേ യാത്ര ദുരിതത്തിനും, കേന്ദ്രത്തിന്റെ നിയമന നിരോധത്തിനും,കേരളത്തോടുള്ള സാമ്പത്തിക ഉപരോധത്തിനും എതിരെ 2024 ജനുവരി 20 ന് കേരളത്തിൽ ഉടനീളം ഡിവൈഎഫ്ഐ സംഘടിപ്പിക്കുന്ന മനുഷ്യച്ചങ്ങലയിൽ 2 ലക്ഷം യുവജനങ്ങളെ അണിനിരത്തും. അരൂർ മുതൽ ഓച്ചിറ വരെയാണ് ആലപ്പുഴ ജില്ലയിൽ മനുഷ്യച്ചങ്ങല തീർക്കുന്നത്. മനുഷ്യച്ചങ്ങലയുടെ വിജയത്തിനായി ചേർന്ന ജില്ലാതല സംഘാടകസമിതി യോഗം. സിപിഐഎം ജില്ലാ സെക്രട്ടറി ആർ നാസർ ഉദ്ഘാടനം ചെയ്തു. ജില്ലാ പ്രസിഡന്റ് എസ് സുരേഷ് കുമാർ അധ്യക്ഷനായി.
ഡിവൈഎഫ്ഐ ജില്ലാ സെക്രട്ടറി ജയിംസ് ശാമുവേൽ സ്വാഗതം പറഞ്ഞു. എ എം ആരിഫ് എംപി, ജില്ലാ പഞ്ചായത്ത് പ്രസിഡന്റ് കെ ജി രാജേശ്വരി, നഗരസഭ ചെയർപേഴ്സൺ കെ കെ ജയമ്മ,കേന്ദ്രകമ്മിറ്റി അംഗങ്ങളായ ആർ.രാഹുൽ, എം ഷാജർ ജില്ലാ ഉപഭാരവാഹികളായ പി.എ അൻവർ, ആർ അശ്വിൻ, ശ്വേത എസ് കുമാർ, ജി ശ്രീജിത്ത്‌, അനസ് എന്നിവർ സംസാരിച്ചു.
