അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം :തിരുവനന്തപുരം കീഴാറ്റിങ്ങലില്‍ യുവാക്കള്‍ക്ക് നേരെ ആക്രമണം. ഇന്ന് വൈകിട്ട് 4 മണിയോടെ വിളയില്‍മൂലയില്‍ വച്ചാണ് ആക്രമണമുണ്ടായത്. ഗുരുതരമായി പരിക്കേറ്റ അഞ്ചുപേരെ തിരുവനന്തപുരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. കീഴാറ്റിങ്ങല്‍ സ്വദേശികളായ സിജു, പ്രതീഷ്, ചിക്കു, രാജേഷ്, ബിനോസ് എന്നിവരാണ് ചികിത്സയിലുളളത്. ഇവരില്‍ മൂന്ന് പേരുടെ നില ഗുരുതരമാണ്.
നിരവധി കേസില്‍ പ്രതിയായ സവിൻ പ്രകാശ് എന്നയാളുടെ നേതൃത്വത്തിലുളള മൂന്നുപേര്‍ അടങ്ങുന്ന സംഘമാണ് ആയുധങ്ങളുമായെത്തി ആക്രമിച്ചതെന്നാണ് വിവരം. മുൻ വൈരാഗ്യമുണ്ടായിരുന്ന രണ്ട് പേരെ കുത്തി. ഇതുകണ്ട് ഓടിക്കൂടിയ മറ്റ് മൂന്ന് പേരെയും സംഘം ആക്രമിക്കുകയായിരുന്നു. കടയ്ക്കാവൂര്‍ പൊലീസ് അന്വേഷണം തുടങ്ങി.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
