അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കൊച്ചി: ഹൈദരാബാദ് എഫ്.സിയെ എതിരില്ലാത്ത ഒരൊറ്റ ഗോളിന് തോൽപിച്ച് കേരള ബ്ലാസ്റ്റേഴ്സ് പോയിന്റ് ടേബിളില്‍ ഒന്നാമത് എത്തി. ആദ്യ പകുതിയില്‍ 41-ാം മിനിറ്റില്‍ ക്യാപ്റ്റന്‍ അഡ്രിയാൻ ലൂണയെടുത്ത കോര്‍ണര്‍ കിക്കില്‍ നിന്ന് മിലോസ് ഡ്രിൻസിച്ചാണ് ബ്ലാസ്റ്റേഴ്സിന്റെ വിജയഗോള്‍ നേടിയത്.
കളിയുടെ അവസാന നിമിഷങ്ങളില്‍ ഇരു ടീമുകളും പരുക്കന്‍ കളി പുറത്തെടുത്തതോടെ ബ്ലാസ്റ്റേഴ്സിന്റെ മലയാളി താരം രാഹുല്‍ കെ പി അടക്കമുള്ള താരങ്ങളും മഞ്ഞക്കാര്‍ഡ് കണ്ടു. ഗോള്‍ പോസ്റ്റിന് മുന്നില്‍ വന്‍മതിലായി നിന്ന സച്ചിന്‍ സുരേഷിന്‍റെ മിന്നും സേവുകളാണ് ബ്ലാസ്റ്റേഴ്സിന്റെ വിജയം സാധ്യമാക്കിയത്.
ജയത്തോടെ 16 പോയിന്റുമായി കേരള ബ്ലാസ്റ്റേഴ്സ് ഒന്നാം സ്ഥാനത്ത് എത്തി. ഏഴ് മത്സരങ്ങളിൽ നിന്ന് അഞ്ച് വിജയവും ഒരു സമനിലയും ഒരു തോൽവിയും അടക്കമാണ് ബ്ലാസ്റ്റേഴ്സിന്റെ അക്കൗണ്ടിലുള്ളത്. 13 പോയിന്റുമായി എഫ്.സി ഗോവയാണ് രണ്ടാം സ്ഥാനത്ത്. 12 പോയിന്റുമായി മോഹൻ ബഗാൻ മൂന്നാം സ്ഥാനത്തും.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
