അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊല്ലം ബാർ അസോസിയേഷൻ കൊല്ലം ആശ്രാമം മൈതാനത്തു നടത്തിയ അഖില കേരള ഇന്റർ ബാർ T 20 ക്രിക്കറ്റ് ടൂർണമെന്റ് ഫൈനൽ മത്സരത്തിൽ കൊല്ലം ബാർ അസോസിയേഷൻ ടീമിനെ തോൽപ്പിച്ച് തിരുവനന്തപുരം ബാർ അസോസിയേഷൻ ടീം ജേതാക്കളായി. അഡ്വ വിഷ്ണു നന്ദകുമാർ നയിച്ച തിരുവനന്തപുരം ടീം കൊല്ലത്തെ 32 റണ്ണിന് പരാജയപ്പെടുത്തുകയായിരുന്നു. വിജയികൾക്ക് ശ്രീ എം.നൗഷാദ് എം.എൽ.എ അഡ്വ. ഉമയനല്ലൂർ കെ. രാമചന്ദ്രൻ നായർ സ്മാരക ട്രോഫി സമ്മാനിച്ചു. റണ്ണേഴ്‌സ് അപ്പ് ആയ കൊല്ലം ബാർ അസോസിയേഷൻ ടീമിന് അഡ്വ. കെ.ഗോപീഷ് കുമാർ സ്മാരക ട്രോഫി സമ്മാനിച്ചു. അഡ്വ. കൃഷ്ണ പ്രകാശ്. ജെ ആണ് കൊല്ലം ബാർ അസോസിയേഷൻ ടീമിന്റെ ക്യാപ്റ്റൻ. ടൂർണമെന്റിലെ മികച്ച കളിക്കാരനുള്ള അഡ്വ. മയ്യനാട് കെ.ബാലകൃഷ്ണൻ സ്മാരക ട്രോഫി കൊട്ടാരക്കര ബാർ അസോസിയേഷനിലെ അഡ്വ. ഗോകുൽ എ.ആർ കരസ്ഥമാക്കി. ടൂർണമെന്റിലെ മികച്ച ബാറ്റ്സ്മാൻ ആയി കേരളം ഹൈ കോടതി അഡ്വക്കേറ്റ്സ് അസോസിയേഷനിലെ അഡ്വ. സാജൻ കെ.ബി തെരഞ്ഞെടുക്കപ്പെട്ടു. ടൂർണമെന്റിലെ മികച്ച ബൗളർ ആയി കൊട്ടാരക്കര ബാർ അസോസിയേഷനിലെ അഡ്വ. ഗോകുൽ എ.ആർ തെരഞ്ഞെടുക്കപ്പെട്ടു. ടൂർണമെന്റിലെ മികച്ച വിക്കറ്റ് കീപ്പർ ആയി തിരുവനന്തപുരം ബാറിലെ അഡ്വ. അക്ഷജൻ തെരഞ്ഞെടുക്കപ്പെട്ടു.
